Nadir

Diagram pokazujo póśěgi mjazy cenitom, nadirom a horicontami: Nadir a cenit stej pśeśiwopola.

Ako nadir (z arabšćiny: نظير = naẓīr "nawopacne, pódoba") pomjenjujo se w geometriji a w njebjaskej nawigaciji nogowy dypk, kótaryž lažy cenitoju napśeśiwo. Nadir lažy na pódlejšenju lotowego směra dołoj a móžo ako směrowe pódaśe teke za lotowy směr stojaś. Nadir jo wažny dypk na jadnotnej kuli za sferisku astronomiju a trigonometriju.

W geodeziji a fotogrametriji póśěguju se wusokostne kuty młogi raz na nadir. Město wó cenitowem kuśe abo cenitowej distancy powěda se pótom wó nadirowej distancy.

Glědaj teke

• Cenit