American Psycho 2
|
C'l artìcul chè 'l è scrit in
Miranduléś |
 American Psycho II:All American Girl | ||
 La Mila Kunis in na figùra dal film | ||
| American Psycho 2 2000 | ||
|---|---|---|
| Regìa: Morgan J. Freeman | ||
| Scritōr: Alex Sanger • Karen Craig | ||
| Atōr: Mila Kunis • William Shatner • Robin Dunne Geraint Wyn Davies • Lindy Booth • Charles Officer | ||
| Müsica: Norman Orenstein | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
American Psycho 2 (id.) 'l è 'n film ad scarésa dal 2002 ad Morgan J. Freeman, séguit 'd American Psycho dal 2000.
La pelìcula, custàda déś migliòṅ ad dòlar, in di Stat Unî l'è vgnuda fóra diretamènt pìr al marcâ d'l home video.
Sunt
La Rachael (Jenna Perry), quànd la gh'iva dód'ś an, l'è andàda in a risć ad murìr quànd lē e la sò baby sitter i aṅ inscruśâ 'l yuppie masadōr seriàł Patrick Bateman (Michael Kremko). La baghéta l'è scampàda cupànd al sasèṅ druànd un śbraga-giàs méntar la bandànta l'éra bèla stada śbudlàda.
Siē an dòp la ragàsa (Mila Kunis) la próa a vultàr paśna studiànd criminulugìa a l'università par psēr acsè lauràr par 'l FBI. La śōvna la vrév dvintàr l'asistènta dal prufesōr Starkman (William Shatner) che però 'l è inamurâ dla sò amìga dal cōr, la Cassandra (Lindy Booth). La Rachael, pinsànd che 'l insgnànt al vója sarnìr-la par cal pòst lè a 'l sò pòst, la pèrd la tèsta par l'arlìa cuma s'al spìrit ad Bateman al vivìs dènt'r ad lē. La ragàsa la taca acsè a masàr tut qvéi ch'i s mét'n in mèś a i sò piàṅ.