Il mistero di Sleepy Hollow
|
C'l artìcul chè 'l è scrit in
Miranduléś |
 Sleepy Hollow
| ||
| Il mistero di Sleepy Hollow | ||
 Johnny Depp e la Ricci in na figùra dal film | ||
| Al mistēr ad Sleepy Hollow 1999 | ||
|---|---|---|
| Regìa: Tim Burton | ||
| Scritōr: Kevin Yagher • Andrew Kevin Walker Washington Irving | ||
| Atōr: Johnny Depp • Christina Ricci • Lisa Marie Miranda Richardson • Christopher Walken Casper Van Dien • Ian McDiarmid • Martin Landau Michael Gambon • Jeffrey Jones • Christopher Lee | ||
| Müsica: Danny Elfman | ||
| Léngua: Inglés • Latìn | ||
| Dürä dal film: 105 minüt | ||
| Nasiōṅ: Stat Unî • Germàgna | ||
Il mistero di Sleepy Hollow (Al mistēr ad Sleepy Hollow) 'l è 'n film ad scarésa dal 1999 ad Tim Burton ispirâ in na manéra libra da 'l racònt „La legénda 'd Sleepy Hollow“ ad Washington Irving.
La pelìcula, ch'l'à vins al Prèmi Òscar p'r al séni, l'è custàda stanta migliòṅ ad dòlar ma l'è stada anc bòna ad catàr-an sù duśènt-siē.
Sunt
New York, 1799. 'L agìnt ad pulisìa Ichabod Crane (Johnny Depp) al partìs p'r al vilàǵ spardû ad Sleepy Hollow p'r investigàr su tri masamènt in dua a 'l vitmi i gh'aṅ cavâ via 'l tèsti. In dal paiśèṅ al pulisiòt al cgnós la fiōla ad Baltus Van Tassel (Michael Gambon), na ragàsa ch'a gh piàś dimóndi ad nóm Katrina (Christina Ricci), anc se lē al muróś la gh 'l à bèla, Brom Van Brunt (Casper Van Dien), un śuvnòt dimóndi gelóś.
I vèć saǵ dal vilàǵ, al magistrâ Philipse (Richard Griffiths), al prevòstar Steenwyck (Jeffrey Jones), al nutàr Hardenbrook (Michael Gough), al dutōr Lancaster (Ian McDiarmid) e Baltus stés, i gh dìśan ch'al respunsàbil di masamènt 'l è 'n cavalēr sénsa cô (Christopher Walken), un suldâ a pagamènt ch'al daśvgnìva da l'Àssia, ch'in di tèmp antig 'l éra sòlit cavàr via 'l tèsti di sò nemìg cun na sabla. Adès 'l è mòrt, parchè i 'l ìvan ciapâ e i gh'ìvan fat far na fiṅ cumpàgna, ma a pâr ch'al sia turnâ par vindicàr-as.