Milli Vanilli

C'l artìcul chè 'l è scrit in Miranduléś

«

And I now what you're wearing I don't care, as I've said before no reason that I like you, girl, just for what you are, if I said I'd think about it, you rule my world so try to understand, I'm in love girl, I'm in so love girl, I'm just in love girl and this is true, girl, you know it's true, ooh, ooh, ooh, I love you.»

(EN)(Girl You Know It's True, 1988)

«

E adès qvél ch'at gh'à adòs a n m impòrta gnint, cum a-j-ò bèla dit a n gh'è minga 'n mutìṿ parchè ta m piàś, ragàsa, sōl par cum at sē, s'a dgis ch'a gh pinsarév, at guèr'n al mè mónd dònca próa a capìr, a sòṅ inamurâ ragàsa, a sòṅ acsè inamurâ ragàsa, a sòṅ pròpria inamurâ e qvést chè 'l è 'n fat véra, ragàsa, ta 'l sà ch'l è véra, ooh, ooh, ooh, a t vój bèṅ.»

(MUD)

Fab Morvan (a sinìstra) e Rob Pilatus (a dèstra) insém a 'l presidènt di Grammy, C. Michael Greene (in dal mèś), a la serimògna dal 1990

I Milli Vanilli i èṅ stâ 'n grup muśicàl pop e dance tedésc fundâ a Mònag 'd Bavéra par Frank Farian ch'al druàva cuma frontman i balarèṅ négar Fab Morvan e Rob Pilatus. In dla sò caréra, fra la fiṅ di an Utànta e 'l inìsi di an Nuànta, i aṅ vindû da piò ad trénta migliòṅ ad sìngui e quatórdas migliòṅ 'd àlbum in tut al mónd.

Al sò secónd lavōr Girl You Know It's True 'l à vindû 'n squantèr'n ad disc e 'l gh'à frutâ 'n Grammy Award in dal 1990 par la categurìa artìsta nóṿ. Sōl in séguit a s è savû che Morvan e Pilatus i n aṅ mai cantâ gnanc un braṅ di Milli Vanilli ma ch'i éran stâ tirâ dènt'r a 'l prugèt sōl parchè i figuràvan bèṅ rispèt a i cantànt véra, Charles Shaw, John Davis, Brad Howell e 'l surèli śmèli Jodie e Linda Rocco.

In dal 1997 i dū artìsta 'd culōr i aṅ pruâ a far vgnir fóra 'n àlbum di sò vèć sucès cantâ da lōr, Back and in Attack, ma però cal disc lè al n à mai vdû la luś par via di prubléma persunài 'd Rob Pilatus, prima cun la giustìsia, 'l iva pasâ tri méś in na parśòṅ dla Califòrgna par na rapìna, e pò cun la dròga. Al 2 'd Avrìl dal 1998 chi lò 'l è stâ catâ mòrt in na cambra 'd 'n hutèl a Francfòrt.

Discugrafìa

Àlbum

1988 - All or Nothing
1989 - Girl You Know It's True
1991 - The Moment of Truth

Culegamènt estéran

(EN) Al canàł ufisiàł VEVO in sal Youtube