Monkey Shines - Esperimento nel terrore
|
C'l artìcul chè 'l è scrit in
Miranduléś |
 Monkey Shines
| ||
| Monkey Shines - Esperimento nel terrore | ||
 La Joyce Van Patten e Beghe in na figùra dal film | ||
| Burli catìvi - Esperimènt in dal terōr 1988 | ||
|---|---|---|
| Regìa: George A. Romero | ||
| Scritōr: Michael Stewart • George A. Romero | ||
| Atōr: Jason Beghe • John Pankow • Kate McNeil Joyce Van Patten • Stephen Root • Stanley Tucci Christine Forrest • Janine Turner • Tom Quinn | ||
| Müsica: David Shire | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Monkey Shines - Esperimento nel terrore (Burli catìvi - Esperimènt in dal terōr) 'l è 'n film ad scarésa dal 1988 ad George A. Romero trat da 'l rumànś umònim ad Michael Stewart. 'L à vins soquànt prèmi a 'l Fèstival ad Sitges e a 'l Fèstival 'd Avoriaz.
Custàda sèt migliòṅ ad dòlar, la pelìcula la 'n à pò muciâ sù sinc e tri.
Sunt
Al studènt universitàri Allan Mann (Jason Beghe) al gh'à tut in dla vita, a gh piàś far dal sport e al gh'à na bèla muróśa, la Linda Aikman (Janine Turner), ma 'n dè al gh'à 'n incidènt c'n un càmion armagnénd paraliśâ su na scrana a rudèli. Par furtùna ch'a gh'è sò màdar, la Dorothy (Joyce Van Patten), ch'la gh tîṅ adrē fagénd-ag da magnàr e lavànd-al.
Par tiràr-ag via 'l magòṅ, al sò amìg dutōr Geoffrey Fisher (John Pankow) al gh rigàla na sìmia capusìna ciamàda Ella. La bèstia l'éra stada druàda in laburatòri par di esperimènt genètic, i gh fàna dal puntùri cun dal sarōl ad sarvèi umàṅ. Quànd Allan al s liga a la dutóra Melanie Parker (Kate McNeil), l’Ella la dvènta gelóśa. Prima la cópa la Linda, ch'in cal méntar la s éra misa insém a 'l dutōr John Wiseman (Stanley Tucci), pò la fà àtar tant cun la Dorothy fulminànd-la in dal vasca da bagn.