Tu cara me suena

C'l artìcul chè 'l è scrit in Miranduléś

Tu cara me suena (La tò ghigna la m diś quèl) 'l è un prugràma televiśìṿ cundót par Manel Fuentes traśmìs par la televiśiòṅ spagnōla Antena 3 a partìr da 'l 28 ad Setémbar dal 2011.

In dal prugràma di persunàǵ famóś i gh'àṅ da imitàr di cantànt in dal vóś e in d'l aspèt, sóta i òć dna giurìa ch'la gh dà i vōt.

Soquànt paéś èstar i aṅ decìś ad cumpràr al format cuma l' Itàlia (Tale e Quale Show), la Frància (Un air de star), i Stat Unî (Sing Your Face Off), la Rumanìa (Te cunosc de undeva), al Régn Unî (Your Face Sounds Familiar) e la Turchìa (Benzemez Kimse Sana).

Prima edisiòṅ

In dla prima edisiòṅ dal prugràma, in si schérum spagnōi da 'l 28 ad Setémbar dal 2011 a 'l 30 ad Nuvémbar dal 2011 e vinsâ par l'Angy Fernández c'n al 39% di vōt, i aṅ tòlt part òt cuncurènt:

Angy Fernández, cantanta, atōra e finalìsta dal prugràma muśicàl Factor X (cgnusû cuma X Factor in Itâglia) • L'à imitâ, fra gl'àtar, la Lady Gaga, la Cyndi Lauper, Michael Jackson e Freddie Mercury di Queen;
Santiago Segura, regìsta e atōr ad film quài El día de la bestia, Two Much e Trainspotting • 'L à imitâ, fra gl'àtar, Frank Sinatra, Julio Iglesias e Eros Ramazzotti;
Julio Iglesias, Jr., cantànt fiōl ad Julio Iglesias • 'L à imitâ, fra gl'àtar, la Tina Turner, Jon Bon Jovi di Bon Jovi e Kurt Cobain di Nirvana, Umberto Tozzi e Anthony Kiedis di Red Hot Chili Peppers;
Sylvia Pantoja, cantànta • L'à imitâ, fra gl'àtar, la Jennifer Lopez, la Shakira, la Donna Summer e la Cher;
Toñi Salazar, ex cantànta di Azúcar Moreno • L'à imitâ, fra gl'àtar, di cantànt dimóndi famóś cuma la Lola Flores, Camarón de la Isla, la Celia Cruz e Falete;
Josema Yuste, atōr e còmic • 'L à imitâ, fra gl'àtar, Miguel Bosé, John Lennon e l'Ana Torroja di Mecano;
Carolina Ferre, giurnalìsta e cundutōra televiśìva • L'à imitâ, fra gl'àtar, la Raffaella Carrà, la Madonna e la Rita Pavone;
Francisco, cantànt • 'L à imitâ, fra gl'àtar, Luciano Pavarotti, Elvis Presley e Enrique Bunbury di Heroes Del Silencio;

Secónda edisiòṅ

La secónda edisiòṅ dal prugràma, in si schérum spagnōi da 'l 1 'd Utóbar dal 2011 a 'l 11 ad Favràr dal 2012, l'è stada vinsa par la Roko c'n al 54% di vōt. Anca chè i èṅ stâ òt i cuncurènt:

Roko, cantànta e atōra • L'à imitâ, fra gl'àtar, l'Adele, la Nina Simone e Justin Bieber;
Daniel Diges, cantànt • 'L à imitâ, fra gl'àtar, la Whitney Houston, Joey Tempest di Europe e Roy Orbison;
Arturo Valls, atōr e preśentadōr dal śōg televiśìṿ ¡Ahora caigo! • 'L à imitâ, fra gl'àtar, George Michael, Rick Astley, la Rihanna, al muróś dla tenìsta Viktoryja Azaranka RedFoo e la Sabrina Salerno;
María del Monte, cantànta e preśentadōra • L'à imitâ, fra gl'àtar, la Gloria Estefan e Carlos Gardel;
Santiago Segura, regìsta, atōr e cuncurènt dl'edisiòṅ pasàda • 'L à imitâ, fra gl'àtar, Elvis Presley, la Raffaella Carrà e Prince;
Anna Simon, preśentadōra • L'à imitâ, fra gl'àtar, la Kylie Minogue, Lenny Kravitz, la Lady Gaga e la Deborah Harry di Blondie;
Ángeles Muñoz, cantànta • L'à imitâ, fra gl'àtar, la Laura Pausini e la Raffaella Carrà;
Javier Herrero, cantànt • 'L à imitâ, fra gl'àtar, Julio Iglesias e Al Bano;

Culegamènt estéran