Speicher AR

Por aliaj signifoj, bv. rigardi la apartigilan paĝon: Speicher

Speicher
Blazono de Speicher
Speicher vidita ek de Vögelinsegg
komunumo en Svislando
Kantono	Apencelo Ekstera
Distrikto	Kantono Apencelo Ekstera ne havas distriktojn
Koordinatoj	47° 24′ 38″ N 9° 26′ 36″ O (mapo)
Nombro de loĝantoj	3953
Areo	km²
Alteco	m super marnivelo
Poŝtkodo	9042
Komunumkodo	{{{kodo}}}
Mapo de Speicher

Pri la komunumo

Speicher (prononcu: Ŝpajĥr; en la alemana lingvo: Schpycher) estas komunumo en Kantono Apencelo Ekstera, Svislando. Ĝi havis 3953 loĝantojn je la 31-a de decembro 2007. La komunumo apartenas al la iama distrikto Mezlando.

Geografio

Speicher situas sur alteco de 924 m s.m. sudoriente de la urbo Sankt-Galo kun bona belvido al la Bodenlago. Pro la bona trafikkonekto la komunumo hodiaŭ estas ŝtata loĝloko kaj praktike apartenas al la aglomeraĵo de Sankt-Galo.

Najbaraj komunumoj

La komunumo limas en nordo al Eggersriet (Kantono Sankt-Galo), en oriento al Rehetobel kaj Trogen, en sudo al Bühler, kaj en okcidento al Teufen kaj Sankt-Galo (Kantono Sankt-Galo).

Trafiko

Stacidomo de la Apencelaj Fervojoj en Speicher

Speicher estas konektita al la publika trafikreto per Trogen-Fervojo, tio estas la regiona tramlinio de la apencela trajnkompanio Apencelaj Fervojoj de Sankt-Galo al Trogen. La sama kompanio ankaŭ funkciigas buslinion de Speicher al Teufen.

Historio

La unua dokumenta mencio de Speicher datiĝas el la jaro 1309 kiel Spicher.

Dum la Apencelaj Militoj okazis la 15-an de majo 1403 en Speicher la Batalo apud Vögelinsegg, dum kiu la apencelaj ribeloj venkis la multe supernombran armeon de la princabato de Sankt-Galo, malgraŭ ĉi-lasta ricevis subtenon de la konstanca armeo.

Vidu ankaŭ

• Aliaj lokoj kun la nomo Speicher
• Speicher (stacidomo)
• Bendlehn (stacidomo)
• Schützengarten (stacidomo)
• Vögelinsegg (stacidomo)
• Rank (stacidomo)

Eksteraj ligiloj

• Oficiala retejo de Speicher
• Speicher en la Historia Leksikono de Svislando

•  Vidu ankaŭ en la Vikimedia Komunejo la kategorion Speicher – (Kolekto de bildoj kaj plurmediaj dosieroj)