Blazono de Norvegio
| Blazono de Norvegio | |
|---|---|
 la blazono de Norvegio, reĝa versio
| |
| Uzata ekde: | 1905 (nuna dezajno), 1280 aŭ pli frue (origino) |
| Blazono de Norvegio | |
|---|---|
 la blazono de Norvegio, ŝtata versio
| |
| Uzata ekde: | 1992 (nuna dezajno), 1280 aŭ pli frue (origino) |
La blazono de la regno Norvegio (norvege en la variaĵo Bokmål Norges riksvåpen; en la variaĵo Nynorsk Noregs riksvåpen) ekzistas en pli granda, reĝa versio kaj en pli simpla, ŝtata versioj. Ĝi formale estas la simbolo de Haraldo la 5-a, la nuna reĝo de Norvegio, kaj de lia dinastio.
La blazono - ora leono sur ruĝa blazonŝildo - estis adoptita en aŭ antaŭ la unuaj jardekoj de la 13-a jarcento. En la malfrua parto de la sama jarcento, arĝenta hakilo estis aldonita. En kontinua uzo ekde tiam, la blazono estas unu el la plej malnovaj ŝtataj blazonoj de la mondo. Laŭ ŝanĝiĝantaj historiaj epokoj, modoj kaj stiloj, la blazono aperis en pluraj iom malsamaj desegnoj.
| |||||||||
