Bruna sulo
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Sula leucogaster (Boddaert, 1783) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Bruna sulo aŭ Bruna naivulo (Sula leucogaster) estas granda marbirdo (71 cm) de la familio de Suledoj. La Brunaj naivuloj vivas en insuloj aŭ marbordo de tropikaj oceanoj nome de Atlantiko kaj Pacifiko.
Aspekto
[redakti | redakti fonton]
Tiu specio estas kazo de seksa dimorfismo. La ino atingas ĝis 80 cm de longo, kaj ties enverguro estas de ĝis 150 cm, kaj ili povas pezi ĝis 1300 g. La masklo atingas ĉirkaŭ 75 cm de longo, kaj ties enverguro estas de ĝis 140 cm, kaj ili povas pezi ĝis 1000 g.[1]
Ili havas kapon kaj gorĝojn helbrunajn (iom blankecajn) en pacifikaj subspecioj kaj kafbrunajn al nigreca en atlantika. Kolo, dorso, vosto kaj flugiloj estas malhelbrunaj. Brusto, ventro kaj subaj partoj estas tre kontraste blankaj. La latina scienca nomo de la specio S. leucogaster montras kunmetaĵon de du radikoj el la antikva greka signife respektive "blanka" kaj "ventro". Beko kaj kruroj flavverdecaj kun bekobazo iom pli blueca; la beko estas akra, fortika kaj kun segilecaj bordoj. Okuloj helgrizaj. Ili havas mallongajn flugilojn kaj longajn, mallarĝajn vostojn.
La junula formo estas griz-bruna kun pli da malhelo ĉe kapo, flugiloj kaj vosto.
Kvankam tiuj birdoj estas tipe silentaj, birdobservantoj informis foje pri eventualaj sonoj similaj al gruntado aŭ kvakado.
Kutimoj
[redakti | redakti fonton]Ili reproduktiĝas en grandaj kolonioj de insuloj ekzemple de la Golfo de Meksiko kaj de la Kariba Maro. La ino demetas du kalkecajn bluajn ovojn surgrunde en amaso de rompitaj konkoj kaj vegetaĵaro. Ili vintrumas en alta maro en ampleksa areo.
Paroj restas fidelaj dum kelkaj sezonoj. Kutime ili faras tipajn ceremoniojn parigadajn.
Ili estas lertaj plonĝantoj en mare je alta rapido, sed mallertas ĉe ekflugado (por tio ili uzas ventojn kaj altajn ripozejojn) kaj surteriĝado. Ili manĝas fiŝojn aŭ kalmarojn, kion kaptas kiam tiuj ariĝas ĉe la surfaco, aŭ eĉ flugofiŝojn kiam tiuj ekflugas super la surfaco.
Subspecioj
[redakti | redakti fonton]- Sula leucogaster leucogaster, (Boddaert) 1783, atlantika.
- Sula leucogaster brewsteri, Goss 1888, pacifika nordhemisfera.
- Sula leucogaster etesiaca, Thayer & Bangs 1905, pacifika ekde Panamo ĝis Ĉilio.
- Sula leucogaster plotus (Forster,JR) 1844
Bildaro
[redakti | redakti fonton]-
Revene al nesto sunsubire, insuloj de Korala Maro, Aŭstralio -
Oni konstruas neston el bastonetoj surgrunde -
Filmeto de naivuloj en insulo Lady Elliot, Aŭstralio
-
Dumfluge en Golfo Dulce, Kostariko -
Aro ĉe la Nacia Naturrezervejo de Jonstonatolo -
Pacifika marbordo de Kostariko -
Sula leucogaster - MHNT
Referencoj
[redakti | redakti fonton]- ↑ Ospina-Alvarez, A. 2008. Coloniality of Brown booby (Sula leucogaster) in Gorgona National Natural Park, Eastern Tropical Pacific. Onitología Neotropical 19: 517–529.
- Harrison, Peter. (1996) Seabirds of the World. Princeton: Princeton University Press. ISBN 0-691-01551-1.
- Bull, John. (1984) The Audubon Society Field Guide to North American Birds, Eastern Region. New York: Alfred A. Knopf. ISBN 0-394-41405-5.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Bruna naivulo, filmetoj, fotoj & sonoj ĉe Internet Bird Collection
| ||||||||||||||||||
