David McAllister

David McAllister
Persona informo
David McAllister
Naskiĝo	12-an de januaro 1971 (1971-01-12) (53-jaraĝa) en Berlino
Lingvoj	germana vd
Ŝtataneco	Germanio vd
Alma mater	Universitato de Hanovro vd
Partio	Kristandemokrata Unio de Germanio vd
Infanoj	3
Profesio
Okupo	politikisto advokato vd
Aktiva en	Hanovro • Strasburgo • Bruselo vd
Postenoj Postenoj membro de la Eŭropa Parlamento (2024–) membro de la Eŭropa Parlamento (2019–) membro de la Eŭropa Parlamento (2014–) ministroprezidanto de Malsupra Saksio (2010–2013) mayor (en) parlamentano de la Parlamento de Malsupra Saksio vd
Ministroprezidanto de Malsupra Saksio
Dum	2010–2013
Antaŭulo	Christian Wulff
Sekvanto	Stephan Weil
vd	Fonto: Vikidatumoj

David James McALLISTER (naskiĝis la 12-an de januaro 1971 en Berlino) estas germana politikisto de la konservativa partio Christlich Demokratische Union Deutschlands. Kiel indikas lia nomo, li havas skotajn familiajn radikojn. Ekde la 1-a de julio 2010 ĝis la 19-a de februaro 2013 li estis ministroprezidanto de la germana federacia lando Malsupra Saksio. Li estis elektita membro de la Eŭropa Parlamento en 2014 kaj reelektiĝis en 2019 kaj 2024.

Biografieto

David James McAllister naskiĝis kiel filo de germana patrino kaj de skota patro en Berlino. Li kreskis dulingve kaj en Berlino komence estis ano de brita bazlernejo. Kiel brito kaj germano li oficiale havas du ŝtatanecojn kaj du pasportojn. Li estas la unua ministroprezidanto de germana federacia lando kies gepatroj ne estas nur germandevenaj.

Post kiam lia familio en 1982 al Bad Bederkesa en la distrikto Cuxhaven inter la urboj Bremeno kaj Hamburgo en la nordo de la federacia lando, li en 1989 finis la gimnazion per abitura ekzameno. Post la deviga soldata servo, li inter 1991 kaj 1996 studis juron en la universitato de Hanovro. Post du jaroj da profesia praktikumo li en 1998 finis la duan ŝtatan ekzamenon pri juro kaj de tiam laboras kiel advokato.

Ekde aŭgusto 2003 David McAllister estas edzo de Dunja McAllister, naskonomo Kolleck. La familio havas du filinojn kaj loĝas en Bad Bederkesa.

Partianeco

Inter la jaroj 1991 kaj 1994 li estis distrikta prezidanto de la junula branĉo de la partio CDU. En 1996 li elektiĝis membro de la distrikta kaj en 1998 membro de la landa parlamento. En 2001 kaj 2002 li estis urbestro de Bad Bederkesa, kaj de aŭgusto 2002 ĝis aŭgusto 2003 li estis ĝenerala sekretario de la landa partio CDU en Malsupra Saksio.

En kongreso de la landa partio en Celle junie 2008 li elektiĝis partiestro de la landa partio CDU en Malsupra Saksio, kiel posteulo de la politikisto Christian Wulff, ministroprezidanto de Malsupra Saksio. Post la elekto de Christian Wulff kiel prezidanto de Germanio, David McAllister la 1-an de julio 2010 en la landa parlamento elektiĝis nova ministroprezidanto de la federacia lando.

Eksteraj ligiloj

• retejo de David McAllister
• biografieto en la retejo de la registaro de Malsupra Saksio (germane)
• ĵurnalisma portreto de la politikisto de la 25-a de julio 2007 en la gazeto die tageszeitung
• Informoj pri David McAllister en katalogo de la Germana Nacia Biblioteko (germane)