Ed Borsboom
| Ed Borsboom | |
|---|---|
| |
| Persona informo | |
| Naskiĝo | 1-an de januaro 1936 (88-jaraĝa) |
| Lingvoj | Esperanto • nederlanda • germana |
| Ŝtataneco | Reĝlando de Nederlando 
|
Subskribo 
| |
| Okupo | |
| Okupo | esperantisto (1951–) edukisto germanisto
|
Eduard BORSBOOM, esperante Ed' BORSBOMO (naskiĝis la 14-an de majo 1936) studis germanistikon kaj estis docento pri la germana lingvo en la altlernejo de Utrecht ĝis la emeritiĝo en 1999.
Esperanta agado
[redakti | redakti fonton]Borsboom lernis Esperanton aŭtodidakte en 1951, helpis dum siaj liberaj horoj en la Internacia Esperanto-Instituto ĉe Andreo Cseh, aktivis en Tutmonda Esperantista Junulara Organizo kaj fariĝis ŝtata tradukisto por Esperanto.
En 1976 aperis lia biografio Vivo de Lanti. Dum la 80-aj jaroj li ĉiusomere donis kursojn pri literaturo en La Chaux-de-Fonds ĉe Claude Gacond kaj ekde la 1990-aj jaroj en Kvinpetalo ĉe Suzanne Bourot kaj Georges Lagrange. En 1984 li editoris 66 kolumnojn de Cseh, Vortoj de Andreo Cseh. Post 20 jaroj en la redakta stabo de Literatura Foiro, li okupis sin i.a. pri taskoj en La Gazeto gvidata de Eŭgeno kaj Madeleine de Zilah kaj depost 1995 prezidas la estraron de Internacia Esperanto-Instituto. En 2004 li ricevis la OSIEK-premion.
Verkoj
[redakti | redakti fonton]- Vivo de Lanti (Sennacieca Asocio Tutmonda 1976);
- Vortoj de Andreo Cseh (Iltis 1984);
- Vivo de Andreo Cseh (Internacia Esperanto-Instituto 2003);
- Kie miozotas memor' (Internacia Esperanto-Instituto 2017).
Eksteraj ligiloj
[redakti | redakti fonton]- Libroj kaj aliaj dokumentoj[rompita ligilo] de kaj pri Ed Borsboom en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
- Recenzo de Kie miozotas memor’ aperinta en Revuo Esperanto en decembro 2017