Gabrielo Falloppio

Gabrielo Falopo (1523-1562)
medicus Italicus
Persona informo
Naskiĝo	1523 en Modeno,  Italio
Morto	9-a de oktobro 1562 en Padovo,  Italio
Religio	katolika eklezio vd
Lingvoj	latina vd
Alma mater	Universitato de Pizo Universitato de Padovo Universitato de Ferrara
Profesio
Okupo	kirurgo botanikisto biologo natursciencisto anatomo universitata instruisto kuracisto katolika sacerdoto vd
Laborkampo	Anatomio vd
Doktoreca konsilisto	Antonio Musa Brassavola • Realdo Colombo vd
Verkado
Verkoj	Anatomical Observations vd
vd	Fonto: Vikidatumoj

Gabriele Falloppio (1523-1562) (* Modeno, 1523 - Padovo, en la 9-a de oktobro 1562) estis itala kuracisto, botanikisto, anatomo, kirurgo kaj naturalisto.

Unue li studis kiel aŭtodidaktulo kaj pli malfrue li eniris en la Universitato de Padovo, kie li ĉeestis la lecionojn de Realdo Colombo (1516-1559), kaj poste translokiĝis al la Ferrara kie Giovanni Battista Monte (1498-1551) estis lia profesoro. En 1547 li fariĝis profesoro pri farmacio en la liceo de Ferrara, kaj en 1548 li akceptis la katedron pri anatomio en la Universitato de Pizo. Finfine, en 1551, li fariĝis profesoro pri anatomio, kirurgio kaj botaniko en la Universitato de Padovo, kie li restis ĝis sia morto. Liaj plej famaj lernantoj estis Girolamo Fabrici d'Acquapendente (1533-1619), Marcello Capra, Antonio Minutoli (1531-1610) kaj Volcher Coiter (1534-1576).

Eksterordinara kuracisto, li estis aŭtoro je mirindaj anatomiaj malkovroj, kaj ĉefe kontribuis kun la ostologio, miologio, kaj splanknologio. En siaj multenombraj anatomiaj studoj li priskribis la ekzaktan strukturon de la uteraj salpingoj, ankaŭ konataj kiel tubo de Falloppio, la okulmotoraj muskoloj kaj la timpanokordoj, la osta labirinto kaj la akvedukto de la vestiblo. En 1561, li publikigis la verkon "Observationes anatomicae", kie li kolektis ĉiujn siajn malkovraĵojn, kiuj kontraŭis la teoriojn de Galeno kaj de aliaj aŭtoroj, ĉefe de Andreo Vesalio. Multaj aliaj verkoj liaj publikiĝis post lia morto.

Krom esti unu el la scienculoj pli gravaj en la historio de anatomio, li ankaŭ plenumis gravajn kontribuojn al la kompara anatomio, botaniko, fiziologio, farmakologio kaj termia medicino. Kuracisto tre vizitata, li havis vastan klientaron kiuj venadis el pluraj lokoj el Italio. Grave estas mencii ke li traktis kaj kuracis la humaniston Paŭlo Manucio (1513-1574). En Pizo, kien li vizitis invitita de Kozimo la 1-a de Mediĉo, li ankaŭ estis akuzita pri praktikado de vivisekcio kun la mortkondamnitaj.

Verkoj

• Observationes anatomicae, Venecio 1561, Kolonjo 1562 kaj Parizo 1562 (on line)
• Secreti diversi et miracolosi ne' quali si mostra la via facile di risanare le infirmità del copo humano'', Venecio 1563
• De medicatis aquis atque de fossilibus, Venecio 1569
• De morbo gallico, Venecio 1574
• De ulceribus, Venecio 1577
• Kunstbuch Des hocherfarnen und weytberhümpten Herrn Gabrielis Fallopij, der Artzney Doctorn von mancherley nutzlichen Künsten . Sampt einem andern büchlin / durch Christophorum Landrinum außgangen. Aŭgsburgo 1578
• Opera omnia. Venecio 1584.
• Gabrielis Fallopii Wunderlicher menschlichem Leben gewisser und sehr nutzlicher Secreten drey Bücher: vom Authore selbst in Ttalienischer Sprach publicirt, jetzund aber Teutscher Nation zu gutem in unser Muttersprach ubersetzet. Frankfurto ĉe Majno 1616

Literaturo

• Observationes anatomicae. Gabriele Falloppio. Apud Iacobum Keruer, 1562
• De medicatis aquis atque de fossilibus tractatus pulcherrimus. Gabriele Falloppio, Andrea Marcolini. Ludouici Auanti, 1569
• De morbo Gallico liber absolutissimus, Gabriele Falloppio, Antonio Fracanzano. Apud Aegidium Regazolam, 1574
• Personensuche
• Bibliothèque Nationale de France
• WorldCat Identities
• Virtual International Authority File

Vidu ankaŭ

• Antonio Musa Brassavola (1500-1555)
• Bartolomeo Maranta (1500-1571)
• Realdo Colombo (1516-1559)
• Melchior Wieland (1520-1589)
• Bruno Seidel (1530-1591)
• Girolamo Fabrizio (1533-1619)
• Volcher Coiter (1534-1576)