Justine Ralalarisoa
Justine RALALARISOA, nomita ankaŭ Lala (naskiĝis la 9-an de februaro 1954, mortis la 20-an de majo 2023) estis malagasa esperantistino.
Ekde la jaro 1997, ŝi ofte vojaĝis al esperantaj aranĝoj en Eŭropo.
En 2010 ŝi, kiel unua afrikano, sukcese trapasis la KER-ekzamenon de UEA sur nivelo C1.
Ŝi havis diversajn postenojn en la esperanta movado:
- Prezidantino de la Unuiĝo de Malagasaj Esperantistoj
- Perantino de SAT en Malagasio
- Instruistino de Esperanto (ekzemple en la someraj kursoj de Kastelo Grésillon)
- Ano de la Internacia Rajtigita Ekzamenantaro
- Membro de la Afrika Komisiono de UEA
En la UK 2024 en Aruŝo, oni nomis unu el la salonoj laŭ ŝi.
Verkoj
[redakti | redakti fonton]- Ny tsara ho fantatra momba ny teny esperanto, Antananarivo 2008, 110 p. (Esperanto-lernolibro en la malagasa, kun Henriel Fidilalao)
Eksteraj ligiloj
[redakti | redakti fonton]- Nekrologo en la retejo de Aminda radio, fare de Henriel Fidilalao
- Nekrologo ĉe esperanto-afriko.org