Kunurbaĵo

Kunurbaĵo estas aro da urboj, grandurboj aŭ aglomeraĵoj kunkreskintaj en unu seninterrompe prikonstruitan areon. Diference de aglomeraĵo ekzistas unuopaj urboj kiel memstaraj tutaĵoj, kaj ili ne bezonas havi komunaj instalaĵojn nek unuopan centron - plurcentra formo de aglomeraĵo. Per kuniĝo de kunurbaĵoj estiĝas megalopolo.

Se temas pri kuniĝo de du urboj, estas uzata nocio duurbo. En Ĉeĥio tipa ekzemplo de duurbo estas Brandýs nad Labem-Stará Boleslav. Kvankam tiuj ĉi devene memstaraj urboj estis administre kunigitaj jam en la jaro 1960, ili ankoraŭ ne havas, precipe pro geografiaj kaŭzoj (ili estas kunigitaj nur per unu ponto super Elbo), ĉefan urban centrejon.