Manuel Halvelik

Manuel Halvelik (Kamiel Vanhulle)
Astronomo, lingvisto kaj verkisto
Persona informo
Aliaj nomoj	Kamiel Vanhulle
Naskiĝo	1925
Morto	2016 en Antverpeno
Lingvoj	Esperanto
Nacieco	belgo (flandro)
Ŝtataneco	Belgio
Okupo
Okupo	esperantisto astronomo

Manuel HALVELIK (naskiĝis la 14-an de aprilo 1925, mortis la 29-an de junio 2016 en Antverpeno), pseŭdonomo de Kamiel Vanhulle, estis flandra astronomo, lingvisto kaj verkisto. Li estis multjara dungito de Grafika Centro Antverpeno, de Flandra Esperanto-Ligo kaj kunlaboranto de la magazino Monato.

Li interalie ellaboris tri fikciajn variantojn de moderna Esperanto, Sociolekta Triopo: dialekteskan (Popido), krimulslangan (Gavaro) kaj arkaikeskan (Arcaicam Esperantom).

Verkoj

Astronomio, kosmologio

• Pri gravito kaj tempo en rilato kun tempovojaĝado kaj la NIFO‑fenomeno (1967)
• Kŭazaroj... ĉu estiĝantaj sunsistemoj? (1968)
• Strukturo kaj evoluo de astronomiaj objektoj laŭ plasmofizikaj principoj (1978)

Aliaj

• Normlingva Esperanto (Scienca Revuo kajero 67-68, 1966)
• Universala skribo (1966)
• Normigo de helenlatinaj terminoj en Esperanto. Projekto (1984)
• Lingvonormiga reformo de Esperanto. Projekto (1987)
• Nova Nomsistemo por Lingviko, kun enkonduko pri Kontrasta Triaksismo - 250 paĝoj (1992)
• La internacia terminologia ŝlosilo por sciencoj kaj teknikoj (1993)
• La Sociolekta Triopo:
  • Arĥaika Esperanto – Arcaicam Esperantom (1969)
  • Popido: popola idiomo, la verda dialekto (1973)
  • Gavaro, la verda slango (2006)

Nacilingvaj

• nederlande Spelling 2000 (ortografioreformo por la nederlanda) (1980)
• nederlande Handboek van het Sint-Truidens dialekt (1983)
• france Quelle clé pour la Terminologie internationale (1994)
• angle Halvelik, Manuel 1996 : The trimeral system in biological nomenclature. A revolutionary new approach. Kariljono Publications, Wilrijk, Belgujo, 74 p., D/1996/7741/1 ISBN 90-75859-01-5

Eksteraj ligiloj

• Libroj kaj aliaj dokumentoj de kaj pri Manuel Halvelik en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine

• Nederlandlingva prezentado de Manuel Halvelik pri sia verko „La teorio pri ĉio”

Bibliografio

• Declerck Christian 2016 : Mortis Kamilo Vanhulle. Sepulta ceremonio okazis je mardo, la 5-a de Julio 2016, Horizon-Taal, Jaargang 48, Nummer 280, juli-augustus 2016, paĝo 11.