Reĝa Palaco El Pardo

Reĝa Palaco El Pardo
Palacio Real de el Pardo
reĝa palaco monumento muzeo
Bazaj datoj
Konstrustilo	renesanca arkitekturo vd
Arkitekto	Luis de Vega vd
Estiĝo	1547
Lando	Hispanio vd
Situo	Madrido
Situo
Geografia situo	40° 31′ 17″ N, 3° 46′ 30″ U (mapo)40.521288-3.77506
Reĝa Palaco El Pardo (Madrido) DEC Situo de Reĝa Palaco El Pardo
Posedata de	Henriko la 4-a • Patrimonio Nacional vd
Retejo	https://www.patrimonionacional.es/en/visita/royal-palace-el-pardo

Reĝa Palaco El Pardo.

Interno de la palaco.

La korto de la Habsburgoj, de stilo renesanca, ŝirmita de vitra volbo ekde 2001.

Reĝa Palaco El Pardo, en hispana Palacio Real de El Pardo, estas unu de la rezidejoj de la hispana reĝa familio.

Historio

En sia origino ĝi estis ĉas-pavilono de la reĝoj de la dinastio de Habsburgoj, kaj poste estis la ĉefa porvintra rezidejo de la reĝoj de la dinastio de Burbonoj. Dum la frankisma diktaturo ĝi estos la oficiala rezidejo de la diktatoro Francisco Franco; nuntempe ĝia ĉefa uzado estas por gastigi la eksterlandajn ŝtatestrojn kiam ili estas por oficiala vizito en Hispanio.

Ĝi estas en la Real Sitio (reĝa loko, do kaj loko kaj vilaĝo) El Pardo, apartenanta al la municipo Madrido, en la areo de la Monto de El Pardo. Ties administrado dependas el la ŝtata ento Patrimonio Nacional (Nacia Heredo), nome organismo kiu zorgas pri la havaĵoj tradicie je la servo de la Monarkio de Hispanio. Ĝi estis ekkonstruita en la 16a jarcento el iama konstruaĵo de la 15a jarcento desegnita de la arkitekto Luis de Vega. Ties nuna aspekto korespondas al la reformoj kaj ampleksigoj faritaj en la 18a jarcento, je ordonoj de la reĝo Karlo la 3-a, en kiuj partoprenis la arkitekto Francesco Sabatini.

Krom la arkitekturaj valoroj, la palaco elstaras pro sia interna ornamado, reprezenta de diversaj epokoj kaj stiloj. Menciindas la freskoj, kiuj enhavas el la malfrua renesanco de la epoko de Filipo la 2-a ĝis la novklasikismo de Fernando la 7-a tra la malfrua baroko de la epoko de Karlo la 3-a. Same, speciale elstaras la kolekto de tapiŝoj, de la 18a jarcento, en kiu figuras kvin de la plej konataj serioj de Francisco de Goya.

Kaj la palaco kaj la ĝardeno estis deklaritaj Havaĵo de Kultura Intereso en 1931 kaj 1934, respektive, jam dum la Dua Hispana Respubliko, tio estas kiam jam ne estis monarkio en Hispanio.

Vidu ankaŭ

• El Pardo
• Monto Pardo

Bibliografio

• López Marsá, Flora, Guía del Palacio Real de El Pardo, Madrid, Patrimonio Nacional, 2010.
• López Serrano, Matilde, «Palacio Museo de El Pardo» en Reales Sitios núm. 49, Madrid, Patrimonio Nacional, 1976.
• Del Río, Manuel, «Palacio Real de El Pardo: residencia de jefes de estado extranjeros» en Reales Sitios núm. 76, Madrid, Patrimonio Nacional, 1983.
• Sancho Gaspar, Luis, El Palacio Real de El Pardo, Barcelona, Lundwerg Editores, 2001.
• Sancho Gaspar, Luis, El Palacio de Carlos III en El Pardo, Madrid, Fundación Apoyo Historia del Arte Hispánico, 2003.

Eksteraj ligiloj

• Oficiala retejo de la Palacio Real de El Pardo • Patrimonio Nacional (hispane kaj angle).