Emile Vandervelde

Emile Vandervelde
	; Irudi gehiago
Minister of Foreign Affairs in Belgium (en)
Belgikako justizia ministroa
Belgikako Ordezkarien Ganberako kidea
Bizitza
Jaiotza	Ixelles, 1866ko urtarrilaren 25a
Herrialdea	Belgika
Lehen hizkuntza	frantsesa
Heriotza	Brusela, 1938ko abenduaren 27a (72 urte)
Familia
Ezkontidea(k)	Lalla Vandervelde (en)
Hezkuntza
Heziketa	Bruselako Unibertsitate Askea
Hizkuntzak	frantsesa
Jarduerak
Jarduerak	politikaria, ekonomialaria eta unibertsitateko irakaslea
Enplegatzailea(k)	Bruselako Unibertsitate Askea
Kidetza	Royal Academy of Science, Letters and Fine Arts of Belgium (en)
Zerbitzu militarra
Parte hartutako gatazkak	Lehen Mundu Gerra
Sinesmenak eta ideologia
Alderdi politikoa	Belgian Labour Party (en) ; Belgikako Alderdi Sozialista

Emile Vandervelde (Ixelles, Belgika, 1866ko urtarrilaren 25a - Brusela, Belgika, 1938ko abenduaren 27a) Belgikako estatu-politikaria eta frantsesezko idazlea izan zen. Langileen alderdiko kidea eta abokatua zen, eta 1894tik urtetik aurrera diputatua. 1900-1918 urte-bitartean, II. Internazionaleko lehendakari izan zen. Alemaniako sozialdemokraziaren aldeko agertu zen. 1914tik aurrera Estatuko ministro (1914-1916) izan zen. Gerraren alde azaldu zen, eta Alemaniako Alderdi Sozialdemokratak Belgikako inbasioa salatu zezan eskatu zuen. Errusiako Iraultzan mentxebikeen alde agertu zen.

1919-1921 urte-bitartean, Justiziako ministro izan zen, eta goitik behera aldatu zituen lege penalak. 1925-1927 urteetan Kanpo Arazoetako ministro izan zen, eta 1936-1937 urteetan Osasun alorrekoa. Ekonomiari buruzko lan teorikoak ere argitaratu zituen: Le Collectivisme et l´évolution industrielle (1900, Kolektibismoa eta industria bilakaera); Le Socialisme contre l´état (1918, Sozialismoa estatuaren aurka); eta Le Parti Ouvrier Belge 1885-1925 (1925, Belgikako Langileen Alderdia, 1885-1925).

Erreferentziak

Wikimedia Commonsen badira fitxategi gehiago, gai hau dutenak: Emile Vandervelde

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q286556
Multimedia: Émile Vandervelde / Q286556