👨‍👨‍👦‍👦 Biztanleak 10.145.212

🔎 Azalera 86.600 km²

🏙️ Hiriburua Baku

📷 Argazkiak ikusi

🗺️ Mapa ikusi

Azerbaijango bandera

Azerbaijan Asiako hego-mendebaldeko estatua da.

Geografia

Khinalug harana

Mugakide hauek ditu: Errusia iparraldean, Georgia ipar-mendebaldean, Armenia mendebaldean eta Iran hegoaldean. Ekialdean Kaspiar Itsasoa dauka.

Herrialdearen iparraldean Kaukaso Handiko mendiak ditu, eta han dago herrialdeko mendirik garaiena, Bazardüzü (4.466 metro).

Herrialdea erditik zeharkatzen du Kura ibaiak.

Historia

Suaren tenplua, Bakun

Antzinaroa

K.a. VIII. mendetik aurrera Eszitiarren lurra izan zen.

K.a. VI. mendean Akemenestar inperioaren barruan geratu zen.

Erdi Aroa

VIII. mendean arabiarrek hartu zuten eta Islamera bihurtu zuten biztanleria.

Baku hiriburua

Aro garaikidea

1828an errusiarrek hartu zuten eta 90 urtez Errusiar inperioaren barruan egon zen.

1917ko Errusiako Iraultza zela eta, Azerbaijanek Errepublika aldarrikatu zuen. 1920ra arte iraun zuen errepublika hark, urte hartan armada gorriak Azerbaijan konkistatu eta Azerbaijango Sobietar Errepublika Sozialista sortu baitzuen.

1991an independentzia aldarrikatu zuen.

Cüma meskita, Sumqayit hirian

Demografia

2016an 9,750.000 biztanle inguru zituen.

2010eko datuen arabera, herritarren %97 musulmana zen.

Hiri nagusia Baku da (hiriburua) eta 2.225.800 biztanle ditu.

Ekonomia

Munduko petrolio erreserba nagusietako bat dauka Azerbaijanek.

Azerbaijandar ezagunak

• Gari Kasparov (1963), xake jokalaria

Deutsch