Daniel Spoerri

Daniel Spoerri
(2018) Irudi gehiago
Bizitza
Jaiotzako izen-deiturak	Daniel Isaak Feinstein
Jaiotza	Galați, 1930eko martxoaren 27a
Herrialdea	Suitza Errumania
Heriotza	Viena, 2024ko azaroaren 6a (94 urte)
Hezkuntza
Hizkuntzak	frantsesa errumaniera alemana
Ikaslea(k)	ikusi Martine Andernach (en)
Jarduerak
Jarduerak	margolaria, koreografoa, unibertsitateko irakaslea, eskultorea, dantzaria, grabatzailea, artista bisuala, errealizadorea, performancelaria eta editore-laguntzailea
Lantokia(k)	Paris
Enplegatzailea(k)	Municheko arte ederren akademia
Jasotako sariak	ikusi Lovis Corinth Prize  (2016) Eckart Witzigmann Prize  (2007)
Kidetza	Berlingo Arteen Akademia Zero (en) Nouveau réalisme (en)
Mugimendua	Fluxusa
Izengoitia(k)	Daniel Spoerri
Genero artistikoa	Eskulturagintza margolaritza
danielspoerri.org

Daniel Spoerri (Galați, Errumania, 1930eko martxoaren 27 – Viena, 2024ko azaroaren 6a) errumaniar artista izan zen.

Biografia

Bernako Operako lehenengo dantzaria izan zen, abangoardiako antzerki-zuzendaria Eugène Ionescoren La Cantatrice chauve lanean 1955ean, Picassoren Désir attrapé par la queue lanarena 1956an, eta Tristan Tzararen CSur à gaz lanean 1972an. Aita judua zuen, eta naziek hil zuten; ama, berriz, suitzarra zuen eta 1942an Suitzara joan zen bizitzera bere familiarekin. 1957an Landestheaterreko laguntzaile izan zen Darmstadten, eta urte horretan bertan Material aldizkaria sortu zuen. Tinguely eskultorearekin batera, Anbereseko Hessenhuisen autoteatroa sortu zuen. Lan horretan ikusleari eskatzen zion antzezle eta, aldi berean, ikusle izatea. Era horretan, Estatu Batuetan Allan Kaprowen happeningekin bat egin zuen. 1959an Parisen MAT (Multiplication d´art transformable) sortu zuen. Spoerri lehenengoetakoa izan zen egile ospetsuen lanak argitaratzen, eta horrela artelan bakar eta paregabearen kontzeptua indargabetu zuen. 1960. urteaz geroztik errealista berrien taldeko kide izan zen eta Tableaux-Pièges ospetsuak egin zituen: hainbat kontsumoko objektu ordenarik gabe erantsiak. 1968an Düsseldorfen jatetxe-galeria bat sortu zuen eta bertako sukaldari izan zen. Spoerrik ez zituen berezitu nahi jarduera artistikoa eta elikadura-ardurak, eta kontsumitzailearen kontzientzia zabaldu nahi zuen zentzumen guztiak erabiliaz. 1980ko hamarraldian brontzearen gainean giza gorputzaren inguruko objektuak erantsi zituen: Gorputza zatika (Berlin, 1991) eta Anatomia kabinetea (Paris, 1994). Spoerriren lanen bilduma bat erakutsi zen Parisen 1990ean.

Erakusketak

• 1992: Expo '92, Suitzako pabiloia, Sevilla.
• 2001: Museum Jean Tinguely, Basilea
• 2009: Ludwig Museum, Koblentza (Alemania)

Erreferentziak

Wikimedia Commonsen badira fitxategi gehiago, gai hau dutenak: Daniel Spoerri

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q123487
• Multimedia: Daniel Spoerri / Q123487