George Foreman

George Foreman
	; Irudi gehiago
Bizitza
Jaiotza	Marshall, 1949ko urtarrilaren 10a (75 urte)
Herrialdea	Ameriketako Estatu Batuak
Talde etnikoa	afro-amerikarra
Familia
Seme-alabak	ikusi George Foreman III (en) ;
Hezkuntza
Heziketa	Wheatley High School (en)
Hizkuntzak	ingelesa
Jarduerak
Jarduerak	boxeolaria eta enpresaburua
	Parte-hartzailea 1968ko Udako Olinpiar Jokoak ; The Rumble in the Jungle ; George Foreman vs. Shannon Briggs (en) ; George Foreman vs. Tommy Morrison (en) ;
Posizio edo espezialitatea	pisu astuna
Lateralitatea	orthodox stance (en)
Altuera	193 zentimetro
Jasotako sariak	ikusi Horatio Alger Award (1984) ; Honour in Gold for Services to the Republic of Austria ; The Ring magazine Comeback of the Year (1994) ; Associated Press Athlete of the Year (1994) ;
	georgeforeman.com

George Edward Foreman (Marshall, Texas, 1949ko urtarrilaren 10a) estatubatuar boxeolari ohia da. Pisu astunen munduko txapelketa lortzeko inoiz borrokatu den boxeolari zaharrena da. Bi aldiz izan zen munduko txapeldun: lehenengo aldiz 24 urte zituela; bigarrena, 45 urterekin.

Bizitza

Houstongo aldirietan hazi zen, eta beste irtenbiderik ezean, gaizkiletzan hasi zen gaztetan. Houstongo poliziak Lan Brigadetara bidali zuen, Oregonera lehenbizi, eta Pleasantonera gero. Pleasantonen gudarosteko sarjentu ohi bat ezagutu zuen, Charles Doc Broadus, Foremanen boxeorako dohainez ohartu zena. Broadusen ardurapean, Foreman boxeolari amateur hasi zen, eta borroka gutxi batzuen ondoren, Estatu Batuetako boxeoko olinpiar taldean sartu zen. Mexikoko Olinpiar Jokoetan, 1968an, txapeldun atera zen. Urtebete geroago, profesionaletan hasi zen.

1973an, munduko txapeldun atera zen, Joe Frazier mendean hartuta, baina hurrengo urtean, Muhammad Alik menderatu zuen bera. 1977an, erretiratu egin zen, eta kristau elkarte bat sortu zuen gazte behartsuei laguntzeko. Bere ongintzako obra finantzatzeko diru premian zegoela, 1987an boxeatzen hasi zen berriro. 38 urte zituen. Jende askok publizitate bila besterik ez zebilela uste izan bazuen ere, eta beste batzuek boxeolari ohi baten berragerpen tristetzat jo bazuten ere, Foremanek oraindik boxeolari handia zela erakutsi zuen. 1994an, 45 urte zituela, aho bete hortz utzi zuen boxeolarien mundua, Michael Moorer K.O. utzi zuenean. Titulua ostera galdu ondoren, erretiratu egin zen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q213919
Multimedia: George Foreman / Q213919