Hermes (espaziontzia)

Artikulu hau espaziontziari buruzkoa da; beste esanahietarako, ikus «Hermes (argipena)».

Hermes europar kosmonautak nazioarteko espazio-estazioraino garraiatzeko espazio-ontzi bat egiteko proiektua. Frantziako Gobernuak proposatu eta Europako Espazio Agentziak 1987an hartu zuen bere gain proiektua. Hermes programa astronautak eta zama Columbus moduluraino eramateko diseinatu zen, eta Ariane 5 jaurtitzaile berriaren bitartez bidali nahi zen espaziora. Hermesek, gainera, grabitaterik ezaren ondorioak ikertzeko plataforma bat utzi behar zuen Lurraren eta espazio-estazioaren artean. 1991n, baina, finantza-arazo handiak sortu ziren, aurrekontuan erabakitakoa baino % 30 gehiago gastatu zelako, eta proiektuak bi urteko atzerapena zuelako. Urte hartako azaroan, Agentziako estatu kideetako ministroek proiektuaren bideragarritasuna berrikustea eskatu zuten, eta urtebete geroago, behin betiko bertan behera uztea erabaki zuten.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q836081
Multimedia: Hermes (spacecraft) / Q836081