Lycette Darsonval
| Lycette Darsonval | |
|---|---|
 | |
| Bizitza | |
| Jaiotzako izen-deiturak | Alice Andrée Marie Perron |
| Jaiotza | Coutances, 1912ko otsailaren 12a |
| Herrialdea |  Frantzia |
| Lehen hizkuntza | frantsesa |
| Heriotza | Saint-Lô, 1996ko azaroaren 1a (84 urte) |
| Hobiratze lekua | St. Loubes Cimetière (en)  |
| Hezkuntza | |
| Hizkuntzak | frantsesa |
| Irakaslea(k) | Rosita Cérès (en) |
| Jarduerak | |
| Jarduerak | aktorea, ballet dantzaria eta koreografoa |
   | |
Lycette Darsonval (jaiotza-izena: Alice Perron ; Coutances, 1912ko otsailaren 12a - Saint-Lô, 1996ko azaroaren 1a) frantses dantzaria izan zen.
Gaztetatik erakutsi zuen dantzarako zaletasuna. Parisko Operaren Dantza Eskolan egin zituen lehen ikasketak, eta 1930ean, bertako dantza taldean sartu zen. Bere lehen emanaldia Sylvia izan zen. 1933an Varsoviako dantza-lehiaketa batean parte hartu zuen Lycette Darsonval izenarekin, eta lehen saria eraman zuen. Harrezkero, izen horrekin izan zen munduan ezaguna. Estatu Batuetan ibili zen Serge Lifar dantza zuzendariaren agindupean, eta errusiar talde batean sartu zen. Talde horretan Lioubov Egorova izan zuen irakasle, eta Europan eta Tunisian ibili zen errepertorio klasikoa dantzatzen. Hainbat lan interpretatu zituen: Elvire (1937, Albert Avelinerena), Oriane eta maitasun printzea (1938, Serge Lifarrena), Sylvia (1941), Giselle, Joan de Zarissa (1942), Fedra (1950), Zinema (1953), Salomeren tragedia. Dantzaren interpretazioa utzi ondoren, irakaskuntzan aritu zen hainbat urtez. 1979an igo zen berriro agertokira Garnier jauregian Sylvia antzeztera.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q3268339
Multimedia: Lycette Darsonval / Q3268339