Michael Cacoyannis

Michael Cacoyannis
Bizitza
Jaiotza	Limasol, 1922ko ekainaren 11
Herrialdea	Zipre
Heriotza	Atenas, 2011ko uztailaren 25a (89 urte)
Hobiratze lekua	Michael Cacoyannis Cultural Centre (en)
Heriotza modua	: eritasuna
Familia
Haurrideak	ikusi Stella Soulioti (en)
Hezkuntza
Heziketa	Central School of Speech and Drama
Hizkuntzak	greziera modernoa
Jarduerak
Jarduerak	film-zuzendaria, gidoilaria, zinema ekoizlea, film-muntatzailea, abokatua eta errealizadorea
Kidetza	Gray's Inn (en)
mcf.gr…

Michael Cacoyannis, grezieraz Μιχάλης Κακογιάννης (Limasol, Zipre, 1922ko ekainaren 11 – Atenas, Grezia, 2011ko uztailaren 25a) greziar zinema-zuzendaria izan zen.

Biografia

Melina Mercouri eta Irene Papas antzezleen hastapenak gidatu zituen. Greziar zinemagintza berriaren ordezkari nagusia izan zen 1950eko hamarkadaren amaieran, mundu osoan ezagun bihurtuko zuen filma egin aurretik: "Zorba greziarra". Zuzenbidea ikasi zuen, eta Londresera jo zuen segidan, antzerki-zuzendari eta antzezle gisa lan eginez aurrera egiten ahaleginduz.

Greziara itzuli zen 50eko hamarkadaren erdialdera, eta hainbat film arrakastatsu zuzendu zituen, besteak beste, hauek: Stella (1955), Melina Mercourirekin, eta "Beltzez jantzitako neska" (1956). Horien segidan egin zituen Electra (1962), Irene Papasekin, eta "Zorba Greziarra" (1964), Nicos Kazantzakisen obran oinarritua. Film horretan egin zuen Anthony Quinn antzezleak bere karrerako paperik ezagunenetakoa, musika ere (Mikis Theodorakisek konposatua) arras ezaguna egin zen, eta hiru Oscar sari irabazi zituen 1965ean. "Troiarrak" (1971) eta Ifigenia (1977) filmak zuzendu zituen, eta antzerki-zuzendaritzan ere jardun zuen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q315374