Munroe Bergdorf
| Munroe Bergdorf | |
|---|---|
 | |
| Bizitza | |
| Jaiotza | Stansted Mountfitchet, 1987ko iraila (37 urte) |
| Herrialdea |  Erresuma Batua |
| Hezkuntza | |
| Heziketa | The Bishop's Stortford High School (en)  |
| Hizkuntzak | ingelesa |
| Jarduerak | |
| Jarduerak | modeloa, LGBT ekintzailea, discjockeya eta film-zuzendaria |
| mbergdorf.com | |
     | |
Munroe Bergdorf (Londres, Ingalaterra, 1987ko irailaren 11) britainiar emakumezko modelo transgenero, DJ eta transexualen aldeko eta arrazakeriaren aurkako ekintzailea da.
Biografia
[aldatu | aldatu iturburu kodea]Ian Bergdorf jaiotza-izenaz, gizon jaio bazen ere, bere burua emakumetzat izan du beti.[1] Aita jamaikarra eta ama ingelesa ditu. Oso nerabezaro gogorra bizi izan zuen, zeren eta hura zihoan gizonezkoentzako eskolan bullyinga eta jipoiak jasan baitzituen.[2]
Ingelesa ikasi zuen Brightongo Unibertsitatean. 24 urte zituenean genero trantsizioa egitea erabaki zuen eta DJ ikasteari ekin zion.[2]
Trantsizioa egiten ari zenean bortxatu zuten. Nahiz eta salaketa jarri, poliziak ez zuen inoiz bere erasotzailea aurkitu. Eraso horrek aktibismoan gero eta gehiago engaiatzera eraman zuen.[2]
2017ko abuztuan L'Oréal Paris kosmetika-etxearen Erresuma Baturako All Worth It izeneko kanpainaren irudi izan zen.[3] 2017ko irailaren 1ean L'Oréal Parisek Bergdorf kanporatu zuen honek Facebook sare sozialean jarri zuen argitalpen polemiko batengatik, zeinean pertsona zurien arraza-indarkeria salatzen zuen.[4] Orduan, Bergdorfek esan zuen argitalpena testuingurutik atera zutela eta gaineratu zuen adierazpenok aurreko hilabetean zuri supremazistek Charlottesvillen egin zuten manifestazioaren aurkakoak zirela.[5]
Gaur egun Illamasqua eta Missguided markentzat egiten du lan modelo.[6] Horrez gain, arrazakeria kutsua duen publizitatearen aurka dihardu.[7]
Filmografia
[aldatu | aldatu iturburu kodea]Filmak
[aldatu | aldatu iturburu kodea]| Urtea | Filma | Rola | Oharrak |
|---|---|---|---|
| 2016 | Almost Saw the Sunshine | Rachel | Film laburra |
| 2017 | Fee | Film laburra |
Erreferentziak
[aldatu | aldatu iturburu kodea]- ↑ (Ingelesez) Greenaway, Naomi. (2015eko apirilaren 14a). «Glamorous model and DJ born a man beat bullies who called her 'effeminate' to fulfil dream of being a woman... and now helps other transgender teens» Daily Mail (Noiz kontsultatua: 2017ko abenduaren 9an).
- ↑ a b c (Ingelesez) Iqbal, Nosheen. (2017ko irailaren 4a). «Munroe Bergdorf on the L'Oréal racism row: 'It puzzles me that my views are considered extreme'» The Guardian (Noiz kontsultatua: 2017ko abenduaren 9an).
- ↑ (Ingelesez) Bergdorf, Munroe. (2017ko abuztuaren 30a). «Munroe Bergdorf: What Make-Up Means To Me» Vogue (Noiz kontsultatua: 2017ko abenduaren 9an).
- ↑ (Ingelesez) Crawley, Gillian. (2017ko irailaren 2a). «L'Oreal transgender model who claimed ALL whites "inherit racism" is sacked» Daily Express (Noiz kontsultatua: 2017ko abenduaren 9an).
- ↑ (Ingelesez) Kerr, Chloe; Lockett, Jon. (2017ko irailaren 1a). «L’Oreal SACKS its first transgender model after she blasted ‘ALL white people are racist’ in shocking Facebook rant» The Sun (Noiz kontsultatua: 2017ko abenduaren 9an).
- ↑ (Ingelesez) Hinzmann, Dennis. (2017ko azaroaren 3a). «Munroe Bergdorf Stuns in New Missguided Campaign» Out (Noiz kontsultatua: 2017ko abenduaren 9an).
- ↑ (Ingelesez) Wright, Matthew. (2017ko urriaren 9a). «‘It’s saying black skin is dirty and white is clean’: Transgender model Munroe Bergdorf hits out at Dove advert showing a black woman 'becoming white' as the soap firm pulls the promo» Daily Mail (Noiz kontsultatua: 2017ko abenduaren 9an).
| Autoritate kontrola |
|
|---|
Datuak: Q45119005
Multimedia: Munroe Bergdorf / Q45119005