Natal probintzia

Natal probintzia
Txantiloi:Herrialde info Hegoafrika, Hegoafrikar Batasuna
Administrazioa
Hiriburua	Pietermaritzburg
Deuseztapen data	1994ko apirilaren 27a
Geografia
Koordenatuak	29°S 30°E
Azalera	91.610 km²
Demografia
Biztanleria	2.430.753 (1991)
Dentsitatea	26,53 bizt/km²

Natal probintzia Hegoafrikako errepublika osatzen zuten lau probintzietako bat zen, 1910etik 1994ra bitartean. Ekialdean zegoen, Draghi mendien eta Indiako ozeanoaren artean, eta KwaZulu bantustana ere barne hartzen zuen. 55.281 km² eta 2.145.018 biztanle (1985) Hiriburua: Pietermaritzburg. Ekonomia-jarduera nagusiak nekazaritza, abeltzaintza eta ikatz-meategiak ziren.

Historia

1838. urtean boerrek Nataleko Errepublika sortu zuten zuluak garaitu ondoren. 1843an ingelesek menderatu eta boerrek Orange eta Transvaal probintzietara alde egin zuten. 1856an Natal Ingalaterrako erreinuko kolonia bihurtu zen. Hegoafrikako Gerran (Boerren Gerra, 1899-1902) boerrak Natalen sartu ziren, baina ezin izan zituzten ingelesak garaitu. 1910ean sartu zen Natal Hegoafrikar Batasunean, 1909an britainiar parlamentuak Hegoafrikako estatua onartu ondoren.

1960ko erreferendumean, Hegoafrikako Errepublikaren sorrerari «ez» esan zion probintzia bakarra izan zen.

1980ko hamarraldiko azken urteetan, Natalen biolentzia-egoera etengabean izan ziren. 1994ko lehen hauteskunde demokratikoekin bukatu zen. Urte horretan bertan, probintzia egungo KwaZulu-Natal bihurtu zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q917867
• Multimedia: Province of Natal / Q917867