Russula helodes

Russula helodes
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Russulales
Familia	Russulaceae
Generoa	Russula
Espeziea	Russula helodes Melzer, 1929
Basionimoa	Russula helodes

Russula helodes Russulaceae familiako onddo espezie bat da.

Deskribapena

Kapela: 8 eta 12 cm bitarteko diametrokoa, laster zabaldua, erdian oso hondoratua, geruza leunarekin, opakua, hezea, azala nahikoa bereizgarria, arrosa edo arrosa-gorri kolorekoa, haragitsua, erdian ilunagoa, askotan okre antzeko orbanekin.

Orriak: Meheak, zorrotzak, oso estu, zuri-krema kolorekoak, orritxo askorekin.

Hanka: 7 eta 12 cm bitarteko garaierakoa eta 3 eta 4 cm bitarteko diametrokoa, zuria, purpuraz tindatua edo argia, muin harro grisaxkarekin.

Haragia: Zuria, laster grisaxka, batez ere hankan, zapore garratza, istant baten ondoren, baina ez iraunkorra; usain arinekoa.

Etimologia: Latinetik dator Russula hitza, russus-etik, gorriaren txikigarritik:apur bat gorrixka, kolore gorria dutelako Russula generoko espezie askok. Helodes epitetoa grekotik dator, padura, zohikaztegia esan nahi duen, “elos” hitzetik. Bere habitatagatik.

Jangarritasuna

Ez da jangarria.

Nahasketa arriskua

Kapela gorria eta tamaina handia duten Russula askoren antzekoa izan daiteke: Russula paludosa, Russula sanguinea, Russula rhodopus …

Sasoia eta lekua

Zohikaztegietan, goroldioetan, urkietatik gertu edo txilardegietan hazten da. Pinus montana delakoekin lotuta dago.

Banaketa eremua

Alpeak, Danimarka‎, Norvegia‎, Suedia‎, Finlandia‎, Estonia‎, Erresuma Batua, Herbehereak‎, Errusia‎.

Kanpo estekak

• Datuak: Q1703458
• Multimedia: Russula helodes / Q1703458