Tenplete
Tenplete bat leku sakratua edo santua da, jainko zehatz, arbaso, heroi, martiri, santu, deabru edo antzeko errespetuzko irudi bati eskainia dago, berau gurtzeko sortua. Tenpleteek, sarritan, idoloak, erlikiak edo beste objektu batzuk izaten dituzte, beti ere, gurtzen edo oroitzen den izakiari lotuak.[1] Tenplete batean boto-eskaintzak egiten dira, aldarea deitzen den lekuan.
Tenpleteak edo, era zehatzagoan, santutegiak, munduko erlijio askotan daude, hala nola kristautasunean, islamean, hinduismoan, budismoan, erlijio tradizional txinatarrean, sintoismoan, paganismo germaniarrean eta bahai fedean, baita gerra-monumentu gisa ingurune sekularretan eta ez erlijiosoetan ere. Tenpleteak hainbat ingurunetan aurki daitezke, hala nola elizetan, tenpluetan, hilerrietan, museoetan edo etxean. Badaude, halaber, santutegi eramangarriak kultura batzuetan ere.[2]
