Thinner (eleberria)

Thinner
Datuak
Idazlea	Stephen King (mul)  (1984)
Argitaratze-data	1984ko azaroaren 19a
Generoa	Beldurrezko eleberria
Jatorrizko izenburua	Thinner
Hizkuntza	ingelesa
Argitaletxea	New American Library (en)
Herrialdea	AEB
Orrialdeak	309
ISBN	978-0-453-00468-8
Euskaraz
Izenburua	Meheago

Thinner (euskaraz Meheago) Stephen King estatubatuar idazlearen beldurrezko eleberri bat da. 1984ko azaroaren 19an New American Library argitaletxeak argitaratu zen.

Stephen Kingek liburu hau Richard Bachman ezizenez idatzi eta argitaratu zuen.

Argumentua

AEBtako Connecticut estatua, Fairview udalerria. Billy Halleck bere emaztea eta alabarekin batera bizi den abokatu arrakastatsu eta lodikote bat da. Lagun batzuk bisitatzen egon ondoren, senar-emazteak autoz etxerako bidean doaz, baina Billy gidatzen doan bitartean bere emaztea sexu fantasia gisa masturbatzen hasiko zaio, ondorioz Billyk une batez autoaren kontrola galdu eta kalea gurutzatzen ari zen atso bat jo eta bertan hilko du. Billyk herriko poliziaburua eta epailearekin duen adiskidetasunaz baliatuz ondorengo epaiketan atsoaren hilketa kargutik absolbitua ateratzea lortuko du. Atsoa, hain zuzen ere, egun horietan udalerrian zeuden ijito ibiltari komunitate bateko kidea zen.

Baina Billyk epaitegitik kalera ateratzekoan ijito komunitate horretako buruzagia eta hildako atsoa zenaren aitarekin topo egingo du, ijito zaharra delakoa, honek Billyri eskuarekin masaila ukitu eta honakoa aipatuko dio: "Meheago".

Egun horretatik aurrera Billy gero eta gehiago mehetzen hasiko da, eta nahiz eta hasieran pisua galtzeaz pozik egon eta zergatik ote den susmorik izan ez arren, mehegia egon eta bere osasuna egunez-egun okertze aldera hasten denean bere biziarengatik kezkatzen hasiko da, hortaz bere herritik joan zen ijito komunitatearen bila hasiko da, madarikazio horretatik aska dezakeen bakarra ijito zaharra baita, baina hori ez da bere kezka bakarra izango, bere emaztea eta mediku talde batek bere gaixotasuna ikertu asmoz herrira itzularazi nahi baidute. Billyri epaiketan lagundu zioten epailea eta poliziaburua ere azaleko gaixotasun arraroekin madarikatuak izan zirela ere jakingo du, biak ere beren buruaz beste egiten amaitu zutelarik.

Zinema

• Thinner (filma): 1996ean Tom Holland ek zuzendu eta Robert John Burke, Joe Mantegna, Lucinda Jenney, Michael Constantine, Kari Wührer eta Bethany Joy Lenz aktoreek antzeztutako filma bat da.

Kanpo estekak

• Datuak: Q253925