Urrezko Atea (Jerusalem)

Urrezko Atea (Jerusalem)
	Meskiten Zelaigunea; Gates of Al-Aqsa
	Irudi gehiago
Kokapena
Estatu burujabe	Palestina
Mendeko lurralde	Zisjordania
Palestina Estatuko lurralde-antolaketa	Jerusalemgo Gobernazioa
Hiria	Jerusalem
Koordenatuak	31°46′44″N 35°14′13″E / 31.778888888889°N 35.236944444444°E
Historia eta erabilera
Izenaren jatorria	Mercy of God in Islam (en)
Arkitektura
Estiloa	Islamiar arkitektura
Dimentsioak	11,5 () m ;

Urrezko Atea (שער הרחמים Jerusalemgo Hiri Zaharrerako portale zaharrena da: VII. edo VIII. mendean, Omeiatar Kalifa-herriaren garaian eraiki zen.^[1] Errukiaren Atea edo Betiereko Bizitzaren Atea izenekin ere esaten zaio. Ekialdeko harresiaren erdian dago atea, eta ekialdetik Tenpluaren Mendira zuzenean sartzeko aukera ematen zuen bakarra zen. Bibliaren garaian, kokaleku berean edo oso hurbil zegoen aurreko ate bat, Susako Atea izena zuen; hori erritu-helburuetarako erabiltzen zen.^[2]

Atea 1541etik itxita dago Suleiman I.aren aginduz. Arrazoia hau zen: tradizio juduaren arabera, Mesiasek hirian sartzeko erabiliko zuena delako. Atea ixtearekin Suleimanek gertaera hori sahiestu nahi zuen.^[3]

Ebanjelio apokrifoen arabera, Urrezko Atearen aurrean Ama Birjinaren gurasoak, Ana eta Joaquín, aitatasunaren berri izatean elkar besarkatu ziren. Gertaera hori margolari desberdinek erakutsi zuten haien lanetan, besteak beste, Giotto eta Albrecht Dürer.