Viswanathan Anand

Viswanathan Anand
	; (2016) Irudi gehiago
Bizitza
Jaiotzako izen-deiturak	விசுவநாதன் ஆனந்த்
Jaiotza	Chennai, 1969ko abenduaren 11 (54 urte)
Herrialdea	India
Bizilekua	Chennai
Hezkuntza
Heziketa	Loyola College (en) ; Loyola College (en) Bachelor of Commerce (en) ; Don Bosco Matriculation Higher Secondary School (en) ; University of Madras (en) ; St. Bede's Anglo Indian Higher Secondary School (en)
Jarduerak
Jarduerak	xakelaria eta idazlea
	Parte-hartzailea 2013ko Munduko xake txapelketa ; Classical World Chess Championship 1995 (en) ; World Chess Championship 2007 (en) ; World Chess Championship 2008 (en) ; World Chess Championship 2010 (en) ; World Chess Championship 2012 (en) ; 2014ko Munduko xake txapelketa ; Candidates Tournament 2014 (en) ; 26th Chess Olympiad (en) ; 27th Chess Olympiad (en) ; 28th Chess Olympiad (en) ; 29th Chess Olympiad (en) ; 30th Chess Olympiad (en) ; 36th Chess Olympiad (en) ; 37th Chess Olympiad (en) ; 43rd Chess Olympiad (en) ;
Jasotako sariak	ikusi Arjuna Award ; CNN-News18 Indian of the Year (2007) ; Padma Bhushan (2001) ; Xakearen Oscarra (1998) ; Padma Vibhushan (2007) ; Xakearen Oscarra (2004) ; Xakearen Oscarra (1997) ; Major Dhyan Chand Khel Ratna Award in Sports and Games (1991) ; Xakearen Oscarra (2007) ; Xakearen Oscarra (2008) ; Xakearen Oscarra (2003) ; Order of Friendship ; Padma Shri in sports ; Padma Vibhushan ; world chess champion ; world chess champion ;
Kidetza	OSG Baden-Baden (en) ; Cannes Échecs (en)
Sinesmenak eta ideologia
Erlijioa	hinduismoa

Viswanathan Anand (tamileraz: விஸ்வநாதன் ஆனந்த் edo visvanātaṉ āṉant) (1969ko abenduaren 11) indiar xake jokalaria da, Nazioarteko Maisu Handia eta Munduko xake txapeldun ohia.

1987an Munduko Junior Xake Txapelketa irabazi zuen, eta 1988an Nazioarteko Maisu Handi titulua eskuratu zuen. 5 aldiz irabazi du Munduko Xake Txapelketa, 2000 (FIDE), 2007, 2008, 2010 eta 2012an. 6 aldiz irabazi du Xakearen Oscarra, 1997, 1998, 2003, 2004, 2007 eta 2008an.

Kalkuluak eta mugimenduak oso arin egiteko duen erraztasunagatik ere ezaguna da Anand. Gaitasun horri esker xake azkarreko hainbat txapelketa irabazi ditu, batez ere blitz modalitatean. Xake azkarreko historiako jokalari onenetakotzat jotzen da.

Munduko Xake Txapelketa

Gata Kamski errusiarren aurka Hautagaien Txapelketa irabazi ostean, 1995ean Munduko Xake Txapelketa (Klasikoa) jokatu zuen Gari Kasparoven aurka New Yorken, baina Kasparov gailendu zen 10,5 eta 7,5 (+4 =13 -1).

1998an FIDEren Munduko Xake Txapelketako finala jokatu zuen Anatoli Karpov orduko txapeldunaren aurka, Suitzako Lausana hirian. Anandek berdinketa lortu bazuen ere (3 eta 3), berdinketa hausteko jokatu ziren partida lasterretan Karpov gailendu zen bi eta huts.

2000. urtean FIDEren Munduko Xake Txapelketaren finalera iritsi zen, eta, kanporaketetan Viktor Bologan, Smbat Gariginovitx Lputian, Bartłomiej Macieja, Aleksandr Khalifman eta Michael Adams mendean hartu ostean, finala irabazi zuen Aleksei Xirov letoniarraren aurka 3,5 eta 0.5 (+3 =1 -0). 25 urtez munduko txapeldun titulua jokalari errusiarren eskutan izan ostean, titulua irabazten zuen lehenengo ez errusiarra zen. Hala ere ezin izan zuen titulua luzaz mantendu, 2001/02ko FIDEren Munduko Xake Txapelketan finalaurrekoetan Vasil Ivantxuken aurka galdu baitzuen.

2005eko FIDEren Munduko Xake Txapelketan bigarren postuan amaitu zuen Veselin Topaloven atzetik eta Peter Svidlerrekin berdinduta.

2007ko Munduko Xake txapelketa (jada FIDEren txapelketa eta Klasikoa bat eginda) Mexiko hirian jokatu zen eta bi itzulitan jokatutako torneoa izan zen. Orduko txapelduna Vladimir Kramnik errusiarra zen. Anandek irabazi zuen, eta Kramnik bigarren postuan geratu zen.

2008an Vladimir Kramniken aurka lehiatu zen munduko txapeldun tituluagatik. Norgehiagoka Alemaniako Bonn hirian izan zen eta Anandek irabazi zuen 6,5 eta 4,5 (+3 -1 =7). Honela Anandek titulua mantendu zuen.

2010eko Munduko Xake Txapelketa Veselin Topaloven aurka jokatu zuen Sofian, eta 6,5 eta 5,5 irabazi zuen.

2012an, Anandek Hautagaien Txapelketa irabaztetik zetorren Boris Gelfand israeldarraren aurka jokatu zuen Munduko Xake Txapelketa, Moskun. Norgehiagoka Anandek irabazi zuen, partida klasikoetan 6 eta 6 (+1 -1 =10) berdindu eta berdinketa hausteko partida lasterretan 2,5 eta 1,5 (+1 =3 -0) irabazi ostean. Anandek munduko txapeldun titulua mantendu zuen beste behin.

2013an Magnus Carlsen norbegiarraren aurka jokatu zuen Munduko Xake Txapelketa, Indiako Chennai hirian. Oraingoan, baina, ezin izan zuen titulua mantendu, eta Carlsenek irabazi zuen 6,5 eta 3,5 (+3 -0 =7).

2014an Anandek Hautagaien Txapelketa irabazi zuen, eta honenbestez, Sotxin jokatu zen Munduko Xake Txapelketan lehiatu ahal izan zuen Carlsen txapeldunaren aurka, baina Carlsen gailendu zen berriro, 6,5 eta 4,5 (+3 -1 =7).

Kanpo loturak

Wikimedia Commonsen badira fitxategi gehiago, gai hau dutenak: Viswanathan Anand

(Ingelesez) FIDE
(Ingelesez) Chessgames
Viswanathan Anand xakelariari buruzko hainbat bideo ikusgai (Ingelesez)

Aurrekoa Aleksandr Khalifman	FIDEren Munduko Xake Txapelduna 2000-2002	Ondorengoa Ruslan Ponomariov
Aurrekoa Vladimir Kramnik	Munduko Xake Txapelduna 2007-2013	Ondorengoa Magnus Carlsen

Datuak: Q45747
Multimedia: Viswanathan Anand / Q45747