Espermatoddoidi
Un espermatoddoidi es una célula haploidi que costitúyi el gametu masculinu en los animalis. La su hunción es encontral el gametu femeninu pa gorvel a formal una célula diploidi con la que se formará un endividuu nuevu.
El espermatoddoidi humanu, de tipu flageláu y modificáu, tieni dos partis, la molla y el rabu. La molla contieni los cromosomas, mientras qu'el servimientu del rabu es pal movimientu. Áin dos tipus d'espermatoddoidis en el reinu animal. Los flageláus son los que tienin rabu, comu los humanus, pero tamién existin los no flageláus, sin rabu. Drentu los flageláus, además, están los primitivus y los modificáus. Los primitivus son más simplis. Los espermatoddoidis humanus son especialmenti sensiblis al ataqui de radicalis libris y al dañu oxidativu en el ADN.[1]
En la especii humana, los espermatoddoidis se crían drentu las criadiyas en los túbulus seminíferus. Las paredis d'estus túbulus están cubiertas d'espermatogonias que, por meiosis, se hazin espermatoddoidis por meyu d'un processu que se llama espermatogénesis.[2] Comu los espermatoddoidis están mu especializáus y töa l'estructura vali namás que pa aportal el material genéticu, se da en ellus un procesu de diferenciación d'una pazu significancia, eliminandu la huerza los orgánulus que normalmenti áin en una célula y con diferencias en la huerza los que queän.
Huentis
[Edital | Editá'l códigu]- ↑ Lozano G.M., Bejarano, I., Espino, J., González, D., Ortiz, A., García, J.F., Rodríguez, A.B., Pariente, J.A. (2009). "Relationship between Caspase Activity and Apoptotic Markers in Human Sperm in Reponse to Hydrogem Peroxide and Progesterone". Journal of Reproduction and Development 55(6): 615-621.]
- ↑ Lozano G.M., Bejarano, I., Espino, J., González, D., Ortiz, A., García, J.F., Rodríguez, A.B., Pariente, J.A. (2009). "Density gradient capacitation is the most suitable method to improve fertilization and to reduce DNA fragmentation positive spermatozoa of infertile men". Anatolian Journal of Obstetrics & Gynecology 3(1): 1-7.