Niinistö Sauli

Niinistö Sauli (Sauli Väinämö Niinistö, sündünüq 24. põimukuu pääväl 1948 Salon) om soomõ poliitik ja Soomõ Vabariigi 12. president. Tä sai ammõdi pääle 1. urbõkuu pääväl 2012 ja valiti 2018. aastagal vahtsõst tagasi.

Jurist Niinistö toimõnd' Salo liinainspektsioonin 1977–1992, oll' rahvasaadik aastil 1987–2003 ni 2007–2011 ja oll' Rahvusligu Kuunderäkunna edemiis aastil 1994-2001. Tä oll' Lipposõ Paavo edimädsen ja tõõsõn valitsusõn, edimält justiitsministrin 1995–1996 ja sõs rahandusministrin aastil 1996–2003.

Niinistö oll' Kuunderäkunna presidendikandidaat 2006. aastaga presidendivalimiisil ja vahtsõst 2012. aasta valimisõl, kon tä valiti vabariigi presidendiks. Timäst sai edimäne Kuunderäkunna president päält Paasikivi Juho Kustit. 2018. aastaga valimiisil võitsõ Niinistö valimisõq edimädse vooriga päält 60 protsendi helükandmisõga. Nii sai timäst edimäne Soomõ Vabariigi president, kiä om õkvavalimiisil ammõtihe valit joba edimädse helüandmisvooriga.

Vinnemaa sisseminek Ukrainahe 2022. aastagal muutsõ Soomõ julgõolõgipoliitikat. President Niinistö ja pääministri Marini Sanna otustiq lehekuun 2022, et Soomõ piät NATO-he astma.