Falklandsoyggjar

(Flagg Falklandsoyggjar)

(Skjaldarmerki Falklandsoyggjar)

Tjóðarslagorð: Desire the right

Tjóðsangur: God Save the Queen

Alment mál

Enskt

Høvuðsstaður

Stanley

Drotning Elisabeth II

Guvernørur Colin Roberts

Fullveldi Onki¹

Vídd
- tilsamans
- vøtn (%) 12,173 km²
0 %

Íbúgvar
- tilsamans 2007
- tættleiki 2 955
0.25/km²

Gjaldoyra Falklands-Pfund (FKP)

Tíðarøki UTC -4

Økisnavn á alnetinum

.fk

Telefonkota +500

¹Undir Stóra Bretlandi síðan 1982

Falklandsoyggjar (enskt: Falkland Islands; spanskt: Islas Malvinas) er ein oyggjabólkur sum hoyrir undir bretsku trúnuna. Falklandsbúgvar hava nakað av heimastýri og egnu stýrisskipan. Oyggjabólkurin er nakað umstríddur. Argentinar kanna sær økið og nevna oyggjarnar har Islas Malvinas. Oyggjarnar vóru fýrst spanskar og siðan argentinskar frá 1767 til 1833, tá ið bretar tóku tær og góvu teimum navnið Falklandsoyggjar. Síðan tá hava Bretland og Argentina trætst um, hvør eigur oyggjarnar. Í 1982 hertók Argentina oyggjarnar, men nakrar vikur seinni róku bretar teir aftur. Ósemjan er harðnað, síðani bretska stjórnin loyvdi oljuleiting við oyggjarnar fyri nøkrum árum síðani. Størsti býurin og høvuðsstaður er Stanley. Argentinar vilja tingast um sjálvstýri fyri Falklandsoyggjar, meðan bretar tilskila sær yvirvaldsrættin har.

Millum 3000 og 4000 fólk búgva í Falklandsoyggjunum. Harafturat eru umleið 1000 bretskir hermenn har. Fjarstøðan til Bretlands er 14.000 kilometrar (10 ferðir teinin millum Vágar og København). Flogtúrurin tekur 15 tímar, sambandið loftvegis er nakrar fáar ferðir um vikuna og skipasambandið fáar ferðir um mánaðin. Oyggjarnar eru 12.000 km2, ið er 8 ferðir størri enn Føroyar til ummáls.

Politikkur

Fólkaatkvøða 2013

Úrslitið av fólkaatkvøðuni í 2013 á Falklandsoyggjunum er greitt: Næstan 100 prosent av teimum, ið greiddu atkvøðu, siga ja til, at oyggjalandið framhaldandi skal vera partur av Stóra Bretlandi ^[1]^[2]. 99,8 prosent av falklendingum hava atkvøtt ja til Stóra Bretland. Meirlutin er so stórur, at hann næstan er skemtiligur, men hetta gjørdist úrslitið av fólkaatkvøðuni á Falklandsoyggjunum, og tað kemur ikki óvart á: Falklendingar vilja vera partur av Stóra Bretlandi, soleiðis sum allar kanningar frammanundan fólkaatkvøðuni eisini vístu púra greitt. 1517 fólk greiddu atkvøðu, og hetta er ein valluttøka uppá 92 prosent. Og bara tríggir av teimum 1517 veljarunum søgdu nei til Stóra Bretland. Falklendingar minnast enn serstakliga væl, tá Argentina gjørdi innrás í 1982 og tað óhugnaliga kríggið, sum valdaði í tríggjar vikur, til Stóra Bretland hevði bart argentinarar aftur. Fólkaatkvøðan varð hildin, tí Argentina heldur fram at trýsta á fyri at fáa bretar at sessast við samráðingarborðið. Argentina vil hava oyggjalandið undir sítt ræði, men London hevur víst hesum frá sær.