Hörnem

Söl'ring

Waapen

Kaart fan Dütsklön

Dütsklönkoord, Positsjoon fan di Gemiindi Hörnem düütelk maaget

54.7605555555568.29138888888894

Koordinaaten: 54° 46′ N, 8° 17′ O

Basisdāten

Bundslön:

Sleeswig-Holstiin

Krais:

Nuurđfriislön

Amt:

Lönskep Söl

Hoogdi aur NN:

4 m aur NN

Gurthair:

6 km²

Iinuuners:

872 (31. Det. 2023)^[1]

Iinuuners per km²:

145 Iinuuners per km²

Postkeentaal:

25997

Fiirsnakifuarwaal:

04651

Autokeenteeken:

NF

Gimiindinumer(AGS):

01 0 54 046

LOCODE:

DE HRM

NUTS:

DEF07

Adres fan di Amtsforwalting:

Andreas-Nielsen-Str. 1
25980 Söl-Weesterlön

Internetsir:

www.amtlandschaftsylt.de

Büürfööger:

Rolf Speth (AWGH)

Jir liit Hörnem ön Krais Nuurđfriislön

Hörnem (Söl) (Dütsk: Hörnum, Deensk: Hørnum) ön Sleeswig-Holstiin liit ön di Krais Nuurdfriislön.

Histoorii

Mensken ön Hörnem

Diar sen al fuar't Jaar 1500 Feskers ön Hörnem wesen. Dat jerst Mool, dat jen wat aur dit Tērp iin ön en Uurkundi skref, wiar man 1649. Diar uur di Naam "Hornum" brükt.
Di Naam Hörnem of Hörnum wiar al 1572 bikeent. Di Kroonist Muchel–Madis (* 11. November 1572 ön Muasem; † 21. Januar 1651) skref ön sin Kroonik aur en Skepsünergang "1571 fuar Hörnem".
1648 uur dat Lön fan en trinjum Hörnem fan Johannes Mejer üs "Hörnum" iin ön sin Koort teeknit^[2].

Fuar rocht lung Tiren es man dach nemen hentö dit Süđerjen gingen en uuni diar. Dir Lir wiar ek bluat bang fan Storenflöören, hat wiar uk ek sa iinfach en kum me di Wunerdünemer klaar. Di diari waiten ja man iinfach aur di Bechningen.
Dat Planten fan Dünemgērs höl di Sön üp Stair, en da kām uk hok Lir diar hen.

Jerer es dat hiili süđern Hualevailön fan Söl Hörnem nēmt uuren.
Üs boowen al sair, uunit diar bluat hok Feskers.
Fan 1765 bit hentö 1785 es bi di "Budersand" en Hüs wesen, wat fuar Ströngur tö forwaari becht wiar.
Dit diari haa leeterhen hok Aamringer en Raantemer Lir ofreten. 1787 wiar bluat jit di Grünstiiner tö keen.^[3]

Eeđer dit Jaar 1900

Di jerst faster Hüsen sen becht uuren, wan di Bröch en di Bechningen fuar di HAPAG-Skepen en di Ailön-Baan kām.
Di Hüsen staan ek muar. Hat wiar dat "Hapag-Haus", leeterhen "Hotel Bettina" en töleest "Fischreuse" sa üs di "Inselbahnhof".
Fuar Lir me Skepen wiar interesant, dat Hörnem en Natuurhaawen hee, wat ek fan Eeb en Flöör ofhing, man dit wiar jit nemen āpfeelen.
Me di holten Bröch fan 1901 kür em me en Skepslinii fan Hamborig aur Cuxhaawen hentö Hörnem raisi.

Achter des sen rocht gau hok Hüsen becht uuren en Hörnem uur üs en Tērp bikeent. Di Inselbaan köört nü uk twesken Weesterlön en Hörnem.

Bit hentö 1927, diar di Hindenburgdam becht uur, sen 91% fan di Baarilir aur Hörnem tö Söl kemen. Di Inselbaan wiar mal wichtig, aurdat diar niin Straat hentö Weesterlön wiar. Di diari es bit hentö 1970 köört. Di Linii giar aur Weesterlön hen bit hentö List.
Deling es di Trasi töbeekbecht en em ken diar me Rad langs.

1906 fing Hörnem en Weetertorn, wat ön dit moderni "Ruinendesign" becht uur. Ön di sokstiger Jaaren fing Hörnem dat Weeter fan Weesterlön en di Torn uur 1967 ofreten.
Ön des Tir uur uk di "Kersig-Siedlung" becht, en em wel wat fuar di Sjuts fan di Weeterkanten maaki. Diarfuar smet em Beton-Tetrapoden üp di Strön.

Di Füürtorn fan Hörnem es 1907 becht uuren, en di es 33,5 m hoog.
Di diari es Diil fan en Seerii, en Pelworm en Weesterheever fing lik san Torn.
Fan 1918 bit 1933 es di Füürtorn di Skuul fan Hörnem wesen, en di Önerrochtsrüm lair 30 m hoog.

Tö't Jen fan di jerst Warelkrich uunit 21 Mensken ön Hörnem, di Gimiindi set ön Raantem.

Ön biiring Warelkriigen uur fain üp Hörnem üppaset, aurdat em taacht, dat et en "strateegisk wichtig Punkt" wiar.

Luki uk jir

Teenkstairen ön Hörnem
Panoraama fan Hörnem Haawen
Üđer Tērper en Gimiinden üp Söl
Hörnem-Or önt Nordfriesland Lexikon fan't NFI

Referentsen

↑ Statistikamt Nord – Bevölkerung der Gemeinden in Schleswig-Holstein 4. Quartal 2023 (XLSX datei) (Widjerfeerd üüb grünjlaag faan't fulkstäälang 2011) (Halep üp Dütsk)
↑ Archive copy. Archiwiaret faan det originool di 4. Febrewoore 2010. Ufrepen di 23. September 2010.
↑ Archive copy. Archiwiaret faan det originool di 18. Nofember 2010. Ufrepen di 23. September 2010.

Didiar artiikel as di 1. Jüüne 2011 uun det list faan gud artiikler, diar det leesen luane apnimen wurden. Uun uugenblak jaft at diar 73 faan.

[1] Statistikamt Nord – Bevölkerung der Gemeinden in Schleswig-Holstein 4. Quartal 2023 (XLSX datei) (Widjerfeerd üüb grünjlaag faan't fulkstäälang 2011) (Halep üp Dütsk)

[2] Archive copy. Archiwiaret faan det originool di 4. Febrewoore 2010. Ufrepen di 23. September 2010.

[3] Archive copy. Archiwiaret faan det originool di 18. Nofember 2010. Ufrepen di 23. September 2010.

[1]

[2]

[3]