Kuusamo
Kuusamo is in stêd en gemeente yn it noardeasten fan Finlân en makket diel út fan it lânskip Pohjois-Pohjanmaa. De gemeente hat 15.386 ynwenners (31-12-2017) en beslacht 5.808,92 km².
Kuusamo is in ferneamd wintersportgebiet en lûkt alle jierren ûngefear ien miljoen toeristen. Yn Ruka, ien fan de grutste skiresorts fan Finlân, wurde gauris ynternasjonale wedstriden organisearre.
De lofthaven fan Kuusamo leit seis kilometer benoardeasten it sintrum en ferbynt de stêd mei it bûtenlân en de Finske haadstêd Helsinki. De Nederlânske loftfeartmaatskippijen Transavia en TUI fleane yn it winterseizoen fan Amsterdam nei Kuusamo.