1551

1551 sa roun lannen koumin ki ka koumansé oun jédi.

Évènman

• 12 mè : fondasyon di linivèrsité-a di San Marcos atè Lima o Pérou.

• 18 jwiyé : kòrsèr tirk-a Dragut ka anvayi zil-a di Gozo é ka rédjwi so zabitan-yan an lèsklavaj.

• 14 out : Dragut ka pran Tripoli, an Lafrik di Nò, pou kont-a dé Otoman.

• 21 sèptanm : fondasyon di linivèrsité rwayal é pontifikal di Mègsiko.

• Koumansman di règn di Bayinnaung, trwazyenm rwè di dinasti-a Toungoo an Birmani (finisman an 1581).

• Li ka rétabli linité-a di Birmani-a ké lèd-a d’avantiryé pòtidjé.

Léròp

• Janvyé-févriyé : konsil moskovit dé San Chapit. Piblikasyon di Stoglav (kod di klèrjé sékilyé). Konsil-a ka désidé kréyasyon-an di lékòl ké miz an sèrvis di pronmyé lenprimri atè Mòskou. Macaire ka tanté di réfòrmé Légliz òrtodòks ris ki sa ranfòrsé é gen roun rol politik ki enpòrtan. Ivan le Terrible ka blijé klèrjé-a (ègzanpté di zenpo) à rèstitchwé fondasyon ansyen-yan pou donnatò é à soumété nouvèl-ya à so kontrol.

• 23 févriyé : inogirasyon di Kolèj ronmen(atchwèl Linivèrsité grégoryen) pa Ignace di Loyola.

• 1e mè : ségon sésyon (9 à 16) di Konsil di Trant (finisman, 28 avril 1552). Dékrè ké kannon ki adòpté ka konsèrnen Lékaristi-a, pénitans-a, kontrisyon-an ké atrisyon-an, konsésyon-an, absolisyon-an, ka-ya ki rézèrvé, Lègstrenm-ongsyon, pouvwè-ya dé lévèk an matchè d’òrdinasyon, ké obligasyon-an di poté labi éklézyastik-a.