Breve encontro
Breve encontro (en inglés: Brief Encounter) é un filme británico de 1945 dirixido por David Lean. Está protagonizado por Celia Johnson e Trevor Howard. O guión é do propio Lean, Ronald Neame e Noël Coward, e baséase na obra teatral de Coward de 1936 Still Life.
| Breve encontro | |
|---|---|
| Ficha técnica | |
| Título orixinal | Brief Encounter |
| Director | David Lean |
| Produtor | Noël Coward Anthony Havelock-Allan Ronald Neame |
| Guión | Noël Coward Anthony Havelock-Allan David Lean Ronald Neame |
| Baseado en | Still Life, de Noël Coward |
| Intérpretes | Celia Johnson Trevor Howard Stanley Holloway |
| Música | Serguéi Rakhmáninov |
| Fotografía | Robert Krasker |
| Montaxe | Jack Harris |
| Distribuidora | Eagle-Lion Distributors |
| Estrea | 13 de novembro de 1945 |
| Duración | 86 minutos[1] |
| Orixe |  Reino Unido |
| Orzamento | 1 millón de dólares[2] |
| Na rede | |
           | |
Argumento
editarLaura, unha simple ama de casa, casada e con fillos coñece por casualidade nunha estación de tren que ela frecuenta diariamente un médico chamado Alec, tamén casado. Os dous inician unha amizade aparentemente inocente que aos poucos se converte nunha paixón entre ambos. Entón comezan unha relación amorosa secreta.
Elenco
editar- Celia Johnson como Laura Jesson
- Trevor Howard como Dr. Alec Harvey
- Stanley Holloway como Albert Godby
- Joyce Carey como Myrtle Bagot
- Cyril Raymond como Fred Jesson
- Everley Gregg como Dolly Messiter
- Margaret Barton como Beryl Walters
- Marjorie Mars como Mary Norton
- Alfie Bass (sen acreditar) como camareiro do Royal
- Wallace Bosco (sen acreditar) como doutor no accidente de Bobbie
- Sydney Bromley (sen acreditar) como Johnnie, segundo soldado
- Valentine Dyall (sen acreditar) como Stephen Lynn, amigo de Alec
- Irene Handl (sen acreditar) como violoncellista e organista
Rodaxe
editar
Gran parte do filme foi rodado na estación de Carnforth en Lancashire, daquela da London, Midland and Scottish Railway. Ao precisarse unha estación con xente, localizouse lonxe de calquera cidade grande para evitar os apagóns, xa que a rodaxe tivo lugar a principios de 1945, antes da fin da segunda guerra mundial. En dous momentos do filme indícase a localización da estación mediante sinais nas beiravías referidos a destinos locais, incluíndo Leeds, Bradford, Morecambe e Lancaster. Noël Coward realizou os anuncios da estación para o filme. A cantina da estación recreouse en estudio. A estación de Carnforth aínda conserva moitos elementos presentes no filme e é un lugar de peregrinación para fans do filme.[4] Non obstante, algunhas escenas urbanas foron filmadas en Londres, en Denham ou en Beaconsfield, preto dos estudios Denham, en que se realizou o filme.[5]
Música
editarA música recorrente no filme é o Concerto para piano n.º 2 de Serguéi Rakhmáninov, interpretado por Eileen Joyce. Tamén hai unha escena onde a orquestra do salón toca Spanish Dance No. 5 (Bolero) de Moritz Moszkowski.
Premios
editarO filme compartiu o Gran Premio no Festival de Cannes de 1946. Na 19ª edición dos Oscar, Celia Johnson foi candidata ao premio á mellor actriz, mentres que David Lean foi candidato á mellor dirección e mellor guión adaptado xunto con Anthony Havelock-Allan e Ronald Neame.
Recepción
editarBreve encontro foi aclamado trala súa estrea,[6] aínda que había dúbidas sobre se sería popular.[7] Foi votado como un dos 10 mellores filmes realizados en dúas enquisas diferentes a críticos en 1952.[8] En 1999 o filme quedou segundo na lista BFI Top 100 British films, do British Film Institute'.
Notas
editar- ↑ "BRIEF ENCOUNTER". British Board of Film Classification. Arquivado dende o orixinal o 27 de agosto de 2017. Consultado o 13 de maio de 2018. Consultado o 25 de agosto de 2017
- ↑ "US Life or Death to Brit Pix", Variety 25 de decembro de 1946, páx. 9
- ↑ Programación
- ↑ "BBC - Cumbria - Cumbria 0n Film - Brief Encounter". bbc.co.uk. Consultado o 10 de marzo de 2016.
- ↑ Whitaker, Brian (comp.) (1990). Notes & Queries. Fourth Estate. ISBN 1-872180-22-1.
- ↑ Turner, Adrian (26 de xuño de 2000). "Brief Encounter". Consultado o 17 de marzo de 2017.
On its initial release, Brief Encounter was hailed as a groundbreaking piece of realism [...]
- ↑ Brief Encounter: Archive review by C A Lejeune The Observer, 25 de novembro de 1945
- ↑ "Brief Encounter (1945)". Turner Classic Movies, Inc. Consultado o 17 de marzo de 2017.
Véxase tamén
editarBibliografía
editar- The Great British Films, pp 91–93, Jerry Vermilye, 1978, Citadel Press, ISBN 0-8065-0661-X
- Coward, Noël. Brief Encounter: Screenplay. Londres: Faber and Faber, 1999. ISBN 0-571-19680-2
- Dyer, Richard (1993). Brief encounter. Londres: British Film Institute. ISBN 9780851703626.
- O'Connor, Sean. Straight Acting: Popular Gay Drama from Wilde to Rattigan. Londres: Cassell, 1998. ISBN 0-304-32866-9
- Street, Sarah. British National Cinema. Londres: Routledge, 1997. ISBN 0-415-06736-7
Ligazóns externas
editar- Criterion Collection essay by Adrian Turner Arquivado 18 de xuño de 2008 en Wayback Machine.
- Alison Ireland's comparison of the film with the original Coward play
- Leninimports review and detailed account of how the film was made
- Britmovie — Locations: Brief Encounter
- Brownlow, Kevin. ""Riskiest Thing I Ever Did": Notes on Brief Encounter". Criterion Collection.