Lago Eyre

Lago Eyre
	(en) Lake Eyre
Tipo	lago endorreico; lago
Epónimo	Edward Eyre (pt)
Situado na entidade xeográfica	mainland Australia (en)
Localizado na área protexida	Kati Thanda-Lake Eyre National Park (en)
Localización
País da cunca	Australia
División administrativa	Australia Meridional
	28°40′00″S 137°10′00″L / -28.6667, 137.1667
Composto por	Lake Eyre North (en) ; Lake Eyre South (en)
Afluentes	Diamantina River (en) ,Warburton Creek (pt) ,Cooper Creek (pt) ,Rio Georgina (pt) ,Frome River (en)
Efluente do lago	sen valor
Conca hidrográfica	Lake Eyre basin (en)
Características
Altitude	−15 m
Profundidade	6 m
Dimensións	65 () × 144 () km ;
Superficie	9.300 km²
Superficie da cunca hidrográfica	1.140.000 km²
Medicións
Volume físico	30,1 km³

O lago Eyre (en inglés Lake Eyre, oficialmente Kati Thanda–Lake Eyre)^[1] é, nas raras veces nas que está cheo, o lago máis grande de Australia e tamén o punto máis baixo do país (aproximadamente 15 m por debaixo do nivel do mar). Trátase dun lago endorreico, dunha superficie de 9.690 km² (máx.)^[2]

Este lago debe o seu nome a Edward John Eyre, un explorador que, en 1840, relatou a súa existencia. Nas décadas seguintes, este lago foi explorado diversas veces (1857 - Goyder; 1866 - Warburton; 1901 - Gregory), mais só en 1922 é que Halligan conseguiu definir os contornos deste lago, por vía aérea.

Atópase na zona desértica de Australia central, ao norte de Australia do Sur. A cunca do lago Eyre é un enorme sistema endorreico arredor do lago, estando a parte máis baixa cuberta dunha capa salgada característica dos sistemas endorreicos, producida pola expansión cada tempada do volume de auga e a consecuente evaporación das augas atrapadas. Aínda nas tempadas máis cálidas, case sempre queda algo de auga no lago, que normalmente se recolle nunha serie de lagos subterráneos máis pequenos. Durante a tempada de chuvias, os ríos do nordeste (no outback, en Queensland) flúen cara ao lago. A cantidade de auga do monzón determina se a auga logrará alcanzar o lago e se o fai, que profundidade alcanzará. O lago tamén pode sufrir inundación pequenas e moderadas, provocadas polo volume de chuvias caídas na zona. O normal é que haxa inundacións de 1,5 m (5 pés) cada tres anos; de 4 m (13 pés), cada década e unha inundación completa ou case, catro veces cada 100 anos. A auga do lago evapórase rapidamente, de maneira que as inundacións menores e medias sécanse cara ao final do verán seguinte.

Como curiosidade, existe o Club de Vela do Lago Eyre, que navega polo lago aproveitando as inundacións menores.^[3]

Notas

↑ Australian Broadcasting Corporation, ed. (20 de decembro de 2012). "New name adopted for outback Lake Eyre". Consultado o 6 de novembro de 2013.
↑ «Largest Waterbodies», no sitio «Geoscience Australia», dependente do Australian Governement, dispoñible en liña en: [1] (en inglés).
↑ Páxina do Club de Vela do Lago Eyre

Véxase tamén

Outros artigos

Bibliografía

Dicionário Ilustrado das Maravilhas Naturais do Mundo, Ed. Selecções do Reader's Digest, 1980.

Ligazóns externas

Páxinas do Observatorio da Terra da NASA sobre o Lago Eyre: [2]Arquivado 24 de setembro de 2008 en Wayback Machine., [3]Arquivado 21 de setembro de 2008 en Wayback Machine.

[Tradname-1] Australian Broadcasting Corporation, ed. (20 de decembro de 2012). "New name adopted for outback Lake Eyre". Consultado o 6 de novembro de 2013.

[2] «Largest Waterbodies», no sitio «Geoscience Australia», dependente do Australian Governement, dispoñible en liña en: [1] (en inglés).

[3] Páxina do Club de Vela do Lago Eyre

[1]

[2]

[3]