Sárdoma, Vigo
San Pedro de Sárdoma é unha parroquia do concello pontevedrés de Vigo na comarca de Vigo. Segundo o IGE,[2] en 2022 tiña 2.397 habitantes (1.166 homes e 1.231 mulleres). Limita coas parroquias de Beade, Castrelos, Freixeiro, Lavadores e a cidade de Vigo e pertence ó arciprestado de Vigo-Lavadores.
| Sárdoma | |
|---|---|
 Igrexa parroquial de San Pedro de Sárdoma. | |
 | |
| Concello | Vigo[1] |
| Provincia | Pontevedra |
| Coordenadas | 42°12′54″N 8°42′27″O / 42.214944444444, -8.7074444444444 |
| Poboación | 2.397 hab. (2022) |
| Entidades de poboación | 13[1] |
| [ editar datos en Wikidata ] | |
Xentilicio
editarO seu xentilicio é sardomeiro[3].
Patrimonio
editar
Consérvanse, da época medieval, o pazo da Raposeira (do ano 1625), o pazo de San Roque (1688) e a Casa Grande de Aires, do século XVIII. Destaca tamén unha ponte medieval (Ponte de Sárdoma), aínda en uso, dos séculos XII-XIII. A igrexa parroquial, o adro, o cemiterio e a casa reitoral son do século XVIII. A parroquia posúe dous cruceiros, un no adro da igrexa e outro na Laxe.
Xeografía
editarTen 9 entidades de poboación, 5 lugares e 2.397 veciños (2022). As súas entidades de poboación son as seguintes: Fragosiño (73), Laxe (566), O Lameiro (182), O Marco (58), Moledo (318), O Outeiro (109), A Pescadeira (81), O Raviso (581) e Relfas (24). Os lugares (que xeralmente forman parte dalgunhas das entidades): O Freixo, Louxadas, Monte da Serra, A Raposeira e A Salgueira.
Festas
editarAs festas máis importantes de Sárdoma son as de Santo Isidro Labrador no mes de maio, e as do patrón San Pedro que se celebra o 29 de xuño.
Servizos
editarA freguesía de Sárdoma, na súa condición semiurbana, ten diferentes parques industriais, a igrexa parroquial, un centro de saúde, varios campos de fútbol, colexios, institutos e entidades bancarias. O seminario maior da diocese de Tui-Vigo atópase nesta parroquia. A Salgueira constitúe unha parroquia eclesiástica de seu dende 1970[4].
Galería de imaxes
editar-
Fachada e torre da igrexa.
Lugares e parroquias
editarLugares de Sárdoma
editar| Lugares da parroquia de Sárdoma no concello de Vigo (Pontevedra) | |
|---|---|
|
Fragosiño | O Freixo | O Lameiro | Laxe | Louxadas | O Marco | Moledo | Monte da Serra | O Outeiro | A Raposeira | O Raviso | Relfas | A Salgueira |
Parroquias de Vigo
editarNotas
editar- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ IGE (ed.). "IGE - Nomenclátor estatístico de Galicia" (en galego). Consultado o 26 de febreiro de 2023.
- ↑ "Xentilicios_0.pdf" (PDF). p. 27. Consultado o 22 de xullo de 2021.
- ↑ Tui-Vigo, Diócesis (2020-12-13). "A fe deixa pegada en Santa Lucía da Salgueira". DIOCESE TUI-VIGO. Consultado o 2023-09-08.
Véxase tamén
editarWikimedia Commons ten máis contidos multimedia na categoría: Sárdoma, Vigo  |
Bibliografía
editar- Mosquera, Javier; Cameselle, Gillermo (1995). Vigo a través de sus barrios (en castelán). Faro de Vigo. ISBN 84-87657-90-7.
- Mosquera, Javier; Franco, Fernando (2002). Guía cidadá de Vigo y su área metropolitana (en castelán). Fundación Caixa Galicia, Faro de Vigo. pp. 321–336.
- Sestay Martínez, Iván (2015). Toponimia do Val de Fragoso (PDF). 4: Freixeiro e Sárdoma. Universidade de Vigo; Concello de Vigo. ISBN 978-84-8158-701-2.