Alberto Contador

Alberto Contador
	; (2015)
Biografía
Nacemento	(es) Alberto Contador Velasco ; 6 de decembro de 1982 (41 anos); Madrid, España
Altura	176 cm
Peso	62 kg
Actividade
Ocupación	ciclista
Nacionalidade deportiva	España
Deporte	ciclismo en ruta
Posición de xogo	Escalador e carreira por etapas
2002-2002
Traxectoria
Participou en
1 de xullo de 2017	Tour de France de 2017 (pt) ../... 25+
Familia
Irmáns	Francisco Javier Contador
Premios
	Medalla de Ouro da Real Orde do Mérito Deportivo ;
Páxina web	albertocontador.org

Alberto Contador Velasco, nado en Pinto (Madrid) o 6 de decembro de 1982, é un ciclista español, especialista en tiradas de montaña.

Traxectoria deportiva

Alberto Contador debutou como profesional en 2003 co equipo ONCE-Eroski. Ao ano seguinte (2004) fichou polo Liberty, co que colleitou os seus éxitos máis importantes. En 2005 aparécelle un coágulo de sangue no cerebro durante a primeira tirada da Volta a Asturias, do que tivo que ser operado. O coágulo produciuse por un cavernoma, unha malformación xenética dunha arteria.

Meses despois, o seu nome aparecía implicado a canda o doutros coñecidos ciclistas (Jan Ullrich, Ivan Basso, Óscar Sevilla, Francisco Mancebo) na Operación Puerto dirixida a detectar casos de dopaxe no ciclismo. Contador saíu finalmente excluído, pero o seu equipo non puido participar no Tour de 2006. Un ano máis tarde, incluso despois de vencer no Tour de Francia, excluíuselle doutra proba ciclista en Alemaña (o Gran Premio de Hamburgo) por estar relacionado coa Operación Puerto.

En 2007 fichou polo Discovery Channel, co que se proclamou vencedor do Tour de Francia 2007, logo da retirada do anterior líder Michael Rasmussen. Nesa edición Contador gañara ademais unha das tiradas pirenaicas, e soubo despois resistir a vantaxe na contra o reloxo da antepenúltima tirada.

Resultados nas Grandes Voltas

Carreira	2005	2006	2007	2008	2009	2010	2011	2012	2013	2014	2015	2016
Giro de Italia	-	-	-	1º	-	-	Desc.	-	-	-	1º	-
Tour de Francia	31º	-	1º	-	1º	Desc.	Desc.	-	4º	Ab.	5º	Ab.
Vuelta a España	-	-	-	1º	-	-	-	1º	-	1º	-	-
Mundial Contra o reloxo	-	-	-	Ab.	-	-	-	9º	-	-	-	-

A sentenza do Caso Contador suspendeu a Alberto Contador durante 2 anos por dar positivo nun control antidopaxe durante o Tour de Francia 2010. Por isto foi descualificado da táboa clasificatoria definitiva no Tour 2010, no Tour 2011 e no Giro 2011. Tamén se lle prohibiu participar no Giro 2012 e no Tour 2012. Reapareceu na Vuelta 2012.

Outras vitorias

1 Semana Catalá, en 2005.
2 París-Niza, en 2007 e 2010.
3 Voltas a Castela e León, en 2007, 2008 e 2010.
2 Voltas ó País Vasco, en 2008 e 2009.
1 Campionato de España de Ciclismo contra o reloxo, en 2009.
2 Voltas ó Algarve, en 2009 e 2010.
1 Milán-Turín, en 2012.
1 UCI WorldTour, en 2009.

Véxase tamén

Outros artigos

Ligazóns externas

Páxina oficial de Alberto Contador (en castelán)