Antes, Mazaricos

Antes
	Igrexa de San Cosme no lugar de Cumbráns.
Concello	Mazaricos
Provincia	A Coruña
Coordenadas	42°59′46″N 8°54′43″O / 42.99614167, -8.91189722
Poboación	312 hab. (2018)
Entidades de poboación	4
	[ editar datos en Wikidata ]

Para outras páxinas con títulos homónimos véxase: Antes.

San Cosme de Antes^[1] é unha parroquia que se localiza no nordeste do concello de Mazaricos. Segundo o IGE^[2] en 2018 tiña 312 habitantes (162 mulleres e 150 homes), 155 menos ca en 199. Ten catro entidades de poboación.

Xeografía

Consta de 4 lugares, Cumbráns, Grille, Pazos e A Xunqueira.

O río Xallas percorre esta parroquia servindo de fronteira con outras parroquias como a de San Cristovo de Mallón, San Xoán de Grixoa, no concello de Santa Comba, e San Pedro de Brandomil no concello de Zas.

Servizos

Posúe un colexio de educación primaria no centro da parroquia que está en actual funcionamento.

Símbolos

No adro desta parroquia atópase o seu símbolo máis coñecido, un carballo centenario partido pola metade por un raio. Esta parroquia refírese habitualmente como o lugar de orixe do "sancosmeiro", un sombreiro de palla trenzada e cosida que servía para traballar no campo. Porén a súa implantación dende Fisterra ata Santiago fai que unha parte importante da doutrina desbote esta teoría que trata de explicar a orixe deste chapeu.

Festas

Nesta parroquia celébranse seis festas, o 19 de marzo, o San Xosé, o 30 de maio, o Santo Antonio, o 20 de agosto, o San Bernardo, o 7 de setembro, o Santísimo Sacramento, o 8 de setembro, a Nosa Señora do Rubín e o 26 de setembro os seus patróns San Cosme e San Damián.

Lugares e parroquias

Lugares de Antes

Lugares da parroquia de Antes no concello de Mazaricos (A Coruña)
Cumbráns \| Grille \| Pazos \| A Xunqueira

Parroquias de Mazaricos

Galicia \| Provincia da Coruña \| Parroquias de Mazaricos
Alborés (San Mamede) \| Antes (San Cosme) \| Arcos (Santiago) \| Beba (San Xián) \| Chacín (Santa Baia) \| Coiro (Santa María) \| Colúns (San Salvador) \| Corzón (San Cristovo) \| As Maroñas (Santa Mariña) \| Mazaricos (San Xoán) \| San Fins de Eirón (San Fins) \| Os Vaos (San Tomé)

Notas

↑ ^1,0 ^1,1 ^1,2 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
↑ IGE (ed.). "IGE - Nomenclátor de Galicia". Arquivado dende o orixinal o 30 de decembro de 2020. Consultado o 29 de abril de 2021.

Véxase tamén

Outros artigos

Lugares de Mazaricos

[nomenclátor-1] 1,0 ^1,1 ^1,2 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[2] IGE (ed.). "IGE - Nomenclátor de Galicia". Arquivado dende o orixinal o 30 de decembro de 2020. Consultado o 29 de abril de 2021.

[1]

[2]