Clara Law
| Biografía | |
|---|---|
| Nacemento | 29 de maio de 1957  (67 anos)Macau, República Popular da China |
| Educación | Universidade de Hong Kong |
| Actividade | |
| Lugar de traballo | Australia |
| Ocupación | directora de cinema, guionista, realizadora |
| Movemento | Hong Kong Second Wave (en)  |
| Familia | |
| Cónxuxe | Eddie Fong |
| Descrito pola fonte | The St. James women filmmakers encyclopedia (en) |
    | |
Clara Law Cheuk-yiu[1] (en (en chinés); simplificado: 罗卓瑶; pinyin: Luó Zhuóyáo; Jyutping: lo4 coek3 jiu4), nada en Macau o 29 de maio de 1957, é unha directora da Segunda Vaga de Hong Kong establecida en Australia.
Traxectoria
[editar | editar a fonte]Primeiros anos
[editar | editar a fonte]Clara Law naceu en Macau,[2] mais os dez anos mudouse a Hong Kong. Estudou na Universidade de Hong Kong e graduouse en literatura inglesa.
En 1978 uniuse á Radio Televisión de Hong Kong como axudante de produción e dirección. Durante ese tempo traballou en moitos aspectos da televisión, dende o guión á dirección, dirixindo doce programas. En 1982 comezou a estudar dirección e escritura de cinema no National Film and Television School no Reino Unido.[3] Gañou o Silver Plaque Award no Festival de Cinema de Chicago de 1985 polo seu filme de graduación, They Say the Moon is Fuller Here.[4]
1985–1994
[editar | editar a fonte]En 1985 volveu a Hong Kong e comezou a desenvolver a súa primeira longametraxe, Wo ai tai kong ren, estreada en 1988.[5] Dende a súa volta, traballou con Eddie Fong en todos os seus proxectos.
En 1989 realizou o seu segundo filme, Pan Jin Lian zhi qian shi jin sheng, que se programou no Festival de Toronto e foi estreado comercialmente nos Estados Unidos. O ano seguinte dirixiu Ai zai bie xiang de ji jie, que gañou o premio especial do xurado no Festival de Turín e lle valeu unha candidatura á mellor dirección nos Premios do Cinema de Hong Kong.
En 1992 dirixiu e produciu Qiu yue, que foi un éxito no circuíto de festivais. Posteriormente estreou You Seng e en 1994 finalizou un episodio do filme Erotique títulado Wonton Soup. A finais dese mesmo ano, ela e Eddie Fong mudáronse a Australia.[6]
Dende 1994
[editar | editar a fonte]O primeiro filme de Clara Law tras chegar a Australia foi Fu sheng, completado en 1996, e que gañou premios no Festival de Locarno e recibiu tres candidaturas nos Australian Film Institute Awards incluídos os de mellor dirección e mellor guión. Fu sheng foi o candidato australiano ao Óscar ao mellor filme en lingua non inglesa. A continuación rodou filmes como The Goddess of 1967 e Ru meng, que recibiu nove candidaturas aos Golden Horse Awards. Tamén realizou a curtametraxe Red Earth, que se proxectou no Festival de Cinema de Venecia de 2010.[6]
Filmografía
[editar | editar a fonte]| Ano | Título orixinal | Título en inglés | Notas |
|---|---|---|---|
| 1977 | Below the Lion Rock | ||
| 1980 | Police Drama | ||
| 1981 | Faces and Places | ||
| 1985 | They Say the Moon is Fuller Here | ||
| 1988 | Wo ai tai kong ren | The Other Half and the Other Half | |
| 1989 | Pan Jin Lian zhi qian shi jin sheng | The Reincarnation of the Golden Lotus | |
| 1990 | Ai zai bie xiang de ji jie | Farewell China | |
| 1991 | Yes! yi zu | Fruit Punch | |
| 1992 | Qiu yue | Autumn Moon | |
| 1993 | You Seng | Temptation of a Monk | |
| 1994 | Erotique | Erotique | Episodio Wonton Soup |
| 1996 | Fu sheng | Floating Life | |
| 2000 | The Goddess of 1967 | The Goddess of 1967 | |
| 2004 | Letters to Ali | Letters to Ali | Documental |
| 2009 | Ru meng | Like a Dream | |
| 2010 | Red Earth | Red Earth | |
| 2015 | Bao zou shen tan | The Unbearable Lightness of Inspector Fan | Tamén coñecido como Shanghai Noir |
Notes
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Podvin, Thomas, Hong Kong Cinemagic, 2010.
- Lee, Dian, Senses of Cinema, 2003.
- Tong, Nancy, "From the Chinese Diaspora to a Global Dream: A Discussion With Filmmakers Clara Law and Eddie Fong", Hong Kong Cinemagic, 2010.
- Shen, Shiao-ying. "Filming One's Way Home: Clara Law's Letters to Oz." In: Wang, Lingzhen. Chinese Women's Cinema: Transnational Contexts. Columbia University Press, 13 de agosto de 2013. Start page 16. ISBN 0231527446, 9780231527446.
Ligazóns externas
[editar | editar a fonte]- Complete biography Arquivado 17 de xaneiro de 2020 en Wayback Machine. on Hong Kong Cinemagic
- Interview with Clara Law Arquivado 12 de agosto de 2020 en Wayback Machine. on Hong Kong Cinemagic
- Biography on Senses of Cinema
- List of films on Film Reference
