Consellaría

Consellería de Medio Ambiente, Territorio e Vivenda

Denomínase consellaría ou consellería a cada unha das carteiras en que se dividen os gobernos das comunidades autónomas de España, incluídas as da Xunta de Galicia. Trátase do equivalente aos ministerios na repartición por funcións dos órganos de goberno estatais. A cabeceira dunha consellaría é rexida por un responsábel máximo, que se coñece como conselleiro. Así mesmo, a dependencia ou sede de cada consellaría recibe a mesma denominación.

Consellarías da Xunta de Galicia

En 2023, o goberno da Xunta de Galicia está formado por 11 consellarías, amais das dúas Vicepresidencias. Non obstante, o número de consellarías é variábel e cada novo goberno dispón o número de carteiras en función das súas preferencias políticas.

• Vicepresidencia primeira e Consellería de Presidencia, Xustiza e Deportes: Diego Calvo.
• Vicepresidencia segunda e Consellería de Medio Ambiente, Territorio e Vivenda: Ángeles Vázquez
• Consellería de Facenda e Administración Pública: Miguel Corgos.
• Consellería de Infraestruturas e Mobilidade: Ethel Vázquez
• Consellería de Economía, Industria e Innovación: María Jesús Lorenzana
• Consellería de Cultura, Educación, Formación Profesional e Universidades: Román Rodríguez González
• Consellería de Política Social e Xuventude: Fabiola García
• Consellería de Sanidade: Julio García
• Consellería de Promoción do Emprego e Igualdade: Elena Rivo
• Consellería do Medio Rural: José González
• Consellería do Mar: Alfonso Villares