Forza Aérea de Austria
| Forza Aérea de Austria | |
|---|---|
 | |
| Tipo | Forza Aérea |
| Data de fundación | 1955 |
| País | Austria |
| [ editar datos en Wikidata ] | |
A Forza Aérea de Austria (alemán: Österreichische Luftstreitkräfte) é un compoñente das forzas armadas austríacas (Bundesheer). No presente a Forza Aérea de Austria opera 102 aeronaves, 15 delas de combate.[1]
Historia
[editar | editar a fonte]A Forza Aérea de Austria foi creada en maio de 1955 polas potencias aliadas victoriosas, suxeita a restriccións no seu uso de mísiles guiados. o Tratado de Estado austríaco de 1955 comprometeu a Austria coa neutralidade permanente.
O adestramento dos pilotos comezou con catro Yak 11 Moose e catro Yak 18 Max doados pola Unión Soviética, e Austria mercou máis adestradores lixeiros baixo o Programa de Asistencia Militar. Ata 1960 o país mercou avións de adestramento e apoio baixo ese programa, pero non cazas modernos; o rol dun caza era cumprido de forma pouco axeitada polos 30 vellos Saab 29 mercados de segunda man á Forza Aérea de Suecia a principios dos anos 60.
Dende 1970 Austria mercou un total de 40 avións lixeiros multirol Saab 105 coa intención de despregalos e roles de adestramento, recoñecemento, intercepción e ataque á terra. Como quedou claro nos anos 80 que os avións subsónicos non eran axeitados para o combate aéreo e para a interdición no espazo aéreo, Austria mercou 28 Saab 35 Draken cazas reacondicionados para substituír os Saab 105 como principal interceptor da Forza Aérea en 1988. O Saab 105 continuou en servizo como adestrador e avión de vixilancia.
Pouco despois o Draken viu o seu primeiro grande uso en interdición no espazo aéreo a partir de 1991 durante as guerras iugoslavas, cando cazas MiG-21 iugoslavos cruzaron a fronteira austríaca sen permiso. Nun incidente o 28 de xuño un MiG-21 penetrou ata Graz, causando demandas xeneralizadas de acció. Tras repetidos cruces da fronteira por avións armados do Exército Popular Iugoslavo, suxeríronse cambios nas ordes vixentes para o armamento das aeronaves.
Dende 1955 as forzas armadas de Austria teñen prohibido operar calquera tipo de sistema de mísiles guiados, incluídos mísiles aire-aire e superficie-aire (SAM). No ambiente da post-guerra fría, e cos avións armados concanóns sendo unha reliquia do pasado, o Parlamento do país votou para corrixir esta seccióndo seu tratado de estado e en xaneiro de 1993 pedíuse o moderno mísil AIM-9 Sidewinder a Suecia para armar os seus cazas.[2] Un modelo mellor de Sidewinder foi mercado directamente aos Estados Unidos e as entregas comezaron en 1995. Tamén se mercaron mísiles SAM Mistral franceses para ter protección nas bases contra ataque aéreos. Os primeiros Mistral chegaron en 1993 e as entregas remataron en 1996.
A frota de helicópteros inclúe Agusta-Bell (AB) 204 (principalmente usados para evacuación médica), AB-206 (adestramento e enlace), e AB-212 (usados para forzas aerotransportadas e transporte lixeiro). 28 Alouette III franceses están dispoñibles para tarefas de busca e rescate, incluídas operacións na alta montaña. O Bell OH-58 Kiowa, un helicóptero de exploración, está equipado cunha metralladora de disparo rápido, aínda que a Forza Aérea carece dun helicóptero de ataque real. A meirande parte dos helicópteros, agás os 24 AB-212, están volvéndose obsoletos. Despois da avalancha de Galtür en 1999 fíxose evidente que os helicópteros da Forza Aérea eran moi poucos e tiñan uns deseños moi limitados. Polo tanto mercáronse 9 UH-60 Blackhawk estadounidenses para ser usados como transportes durante desastres.
En 2003 a capacidade de transporte melorou coa compra de tres C-130 Hercules da Royal Air Force. En 2005 a frota de Saab Draken foi retirada (50 anos despois de que tipo voase por vez primeira), para ser substituído polo Eurofighter Typhoon. Antes da primeira entrega doTyphoon, alugáronse 12 F-5 Tiger II a Suíza como medida provisional. A compra do Eurofighter foi controvertida en Austria aínda que finalmente o derradeiro dos 15 avións foi entregado o 24 de stembro de 2009.[3] En 2017 os posibles asuntos de corrupción que rodean a compra do Eurofighter aínda estaban sendo investigados polo parlamento austríaco. No mes e xullo, como resltado da controversia, o Ministro de Defensa anunciou a retirada dos Typhoon a partir de 2020, e da súa substitución por un sistema de vixilancia aéra "militarmente máis efectivo e máis económico".[4]
Inventario
[editar | editar a fonte]
| Avión | Orixe | Tipo | Variante | En servizo | Notas | |
|---|---|---|---|---|---|---|
| Avións de combate | ||||||
| Eurofighter | Unión Europea | multirrol | Tranche 1 | 15[5] | ||
| Transporte | ||||||
| Pilatus PC-6 | Suíza | utilitario/transporte | 8[5] | |||
| C-130 Hercules | Estados Unidos | transporte táctico | C-130K | 3[5] | ||
| Embraer C-390 Millennium | Brasil | transporte táctico | 4 pedidos[5] | |||
| Helicópteros | ||||||
| Bell OH-58 | Estados Unidos | exploración | OH-58B | 10[5] | ||
| Bell UH-1N | Estados Unidos | utilitario | 23[5] | |||
| Sikorsky S-70 | Estados Unidos | utilitario | S-70A42 | 9[5] | 12 pedidos[6] | |
| Aérospatiale Alouette III | Francia | enlace/utilitario | 20[5] | |||
| AgustaWestland AW169 | Italia | utilitario | AW169M | 3[7] | 33 pedidos[8] | |
| Adestradores | ||||||
| Pilatus PC-7 | Suíza | adestrador | 12[5] | |||
| Diamond DA40 | Austria | adestrador | DA40 NG | 4[9] | ||
Notas
[editar | editar a fonte]- ↑ "World Air Forces directory 2022". Flight Global (en inglés). Consultado o 2022-01-26.
- ↑ "FLUG REVUE November 2005: Last Saab Draken retire in Austria". 2006-02-03. Archived from the original on 03 de febreiro de 2006. Consultado o 2018-11-25.
- ↑ "Eurofighters Rough Ride in Austria Continues". Defense Industry Daily. Consultado o 2018-11-25.
- ↑ "Doskozil verkündet Aus für den Eurofighter - derStandard.at". DER STANDARD. Consultado o 2018-11-25.
- ↑ 5,0 5,1 5,2 5,3 5,4 5,5 5,6 5,7 5,8 Hoyle, Craig (2023). "World Air Forces 2024". FlightGlobal. Consultado o 8 de abril de 2024.
- ↑ "Bundesheer erhält weitere zwölf „Black Hawk“-Hubschrauber". Die Presse (en alemán). 2023-08-25. Consultado o 2024-04-08.
- ↑ "Leonardo AW-169: Zweiter Hubschrauber ist da, Präsentation am Freitag". www.kleinezeitung.at (en alemán). 2023-02-27. Consultado o 2024-04-08.
- ↑ "Updated: Austria doubles down on Leonardo helicopter procurement". Shephard (en inglés). Consultado o 2024-04-08.
- ↑ "Four DA40 NG Training Aircraft for the Austrian Armed Forces". www.diamondaircraft.com (en inglés). 2018-05-03. Consultado o 2024-04-08.
