Helen Kalvak
| Biografía | |
|---|---|
| Nacemento | 1901  Tahiryuaq, Canadá |
| Morte | 7 de maio de 1984 (82/83 anos) Ulukhaktok, Canadá |
| Causa da morte | párkinson |
| Actividade | |
| Campo de traballo | Deseñador gráfico |
| Ocupación | pintora |
| Membro de | |
| Premios | |
| |
Helen Kalvak, nada no ano 1901 en Tahiryuaq e finada o 7 de maio de 1984, foi unha artista gráfica inuit de Ulukhaktok (Territorios do Noroeste, Canadá).
Traxectoria
[editar | editar a fonte]Kalvak naceu en Tahiryuaq, preto do lago homónimo,[1] na illa Victoria, e criouse na zona de Prince Albert Sound. A súa familia tamén pasou algún tempo en Minto Inlet. Viviu seguindo o estilo de vida tradicional inuit durante a maior parte da súa vida. A súa nai era Enataomik. O seu pai Halukhit animou os seus dons espirituais e ensinoulle a ser angatkuq (o equivalente a unha curandeira espiritual na cultura inuit). Aínda que máis tarde se converteu ao cristianismo, Kalvak continuou reflectindo a súa relixión tradicional inuit nas súas obras de arte, xunto coas historias que aprendera cando era nena.
En 1960, Kalvak trasladouse a Holman (actual Ulukhaktok) despois da morte repentina do seu marido, Edward Manayok. Alí, en 1961, axudou a un sacerdote católico romano, o reverendo Henri Tardy, a montar a Holman Eskimo Co-op. Foi nese momento cando Kalvak comezou a súa artística. En 1965, a súa obra de arte pasou a imprimirse e venderse por todo o mundo. e vendida en todo o mundo.
Dez anos máis tarde, en recoñecemento ao seu traballo, Kalvak pasou a formar parte da Real Academia Canadense de Artes. Isto foi seguido en 1978 polo seu nomeamento na Orde do Canadá.[2] En 1978, Kalvak producira arredor de 2 000 debuxos mais xa non podía usar máis as mans por mor do Párkinson que padecía. Ao ano seguinte, Canada Post utilizou o seu traballo titulado The Dance para o selo postal de 17¢.[3] Con 176 copias publicadas, Kalvak é a artista de Ulukhaktok co maior número de obras publicadas.[4]
No momento da súa morte en 1984, Kalvak era unha das poucas mulleres inuit que quedaban en Ulukhaktok que levaban kakiniit (tatuaxes faciais tradicionais).
En 1984 celebrouse un concurso para cambiar o nome da Escola Ulukhaktok Elihavik e en 1985 foi renomeada como Helen Kalvak Elihakvik.[5]
Notas
[editar | editar a fonte]- ↑ quintanagalleries.com (ed.). "Helen Kalvak, Holman Island, NWT". Quintana Galleries. Arquivado dende o orixinal o 11 de setembro de 2007. Consultado o 25 de agosto de 2008.
- ↑ Tomic-Bagshaw, Jessica. "Helen Kalvak: Pioneering Inuit Print-maker", en Framing Our Past: Canadian Women's History in the Twentieth Century, S.A. Cook, L.R. McLean, and K. O'Rourke, eds. Montreal: McGill-Queen's University Press. 2001, p. 60.
- ↑ "The Dance - Inuit, Community". Consultado o 25 de febreiro de 2024.
- ↑ Wight, Darlene Coward (11 de maio de 2000). "Helen Kalvak 1901-1984". virtualmuseum.ca. Arquivado dende o orixinal o 27 de outubro de 2002. Consultado o 25 de agosto de 2008.
- ↑ "Helen Kalvak School - About Us". Consultado o 25 de febreiro de 2024.
Véxase tamén
[editar | editar a fonte]Ligazóns externas
[editar | editar a fonte]- Biografía de Helen Kalvak na páxina do Centro Nacional de Arte do Canadá.
