Idanha-a-Nova

Idanha-a-Nova
Localización
	39°55′N 7°14′O / 39.92, -7.23
Estado	Portugal
Distritos	Distrito de Castelo Branco
Contén a división administrativa	Aldeia de Santa Margarida (pt) ; Idanha-a-Nova e Alcafozes (pt) ; Ladoeiro (pt) ; Medelim (pt) ; Monfortinho e Salvaterra do Extremo (pt) ; Monsanto e Idanha-a-Velha (pt) ; Oledo ; Penha Garcia ; Proença-a-Velha ; Rosmaninhal ; São Miguel de Acha (pt) ; Toulões (pt) ; Zebreira e Segura (pt)
Poboación
Poboación	9.716 (2011) (6,86 hab./km²)
Xeografía
Superficie	1.416,34 km²
Comparte fronteira con	Penamacor ; Membrío (pt) ; Alcántara ; Zarza la Mayor (pt) ; Cilleros (pt) ; Carbajo (pt) ; Castelo Branco ; Santiago de Alcântara (pt) ; Fundão ; Valverde do Fresno
Organización política
Membro de	Rede de cidades creativas (2015–)
Identificador descritivo
Código postal	6060
Fuso horario	UTC±00:00
Outro
Irmandado con	Condeixa-a-Nova (pt)
Páxina web	cm-idanhanova.pt…

Idanha-a-Nova é unha vila portuguesa no distrito de Castelo Branco, rexión Centro e subrexión de Beira Interior Sur, con cerca de 2.500 habitantes.

Localización

É sede dun dos maiores concellos de Portugal, con 1.412,73 km² e 10.929 habitantes (2004), subdividido en 17 Freguesías. O municipio está limitado ao norte polo municipio de Penamacor, ao leste e o sur por España e ao oeste polos municipios de Castelo Branco e o Fundão.

Estatísticas

Poboación do concello de Idanha-a-Nova (1801 – 2004)
1801	1849	1900	1930	1960	1981	1991	2001	2004
3543	9844	23002	27998	30418	16101	13630	11659	10929

Freguesías

Localización de Idanha-a-Nova en Portugal.

O concello de Idanha-a-Nova comprende as seguintes freguesías:

Principais monumentos

A chamada catedral vella de Idanha-a-Nova.
Ponte sobre o río Ponsul.
Pelourinho (picota) de Idanha-a-Vella.
Capela de santa María do Castelo (Mosanto).

Evolución demográfica

No concello de Idanha-a-Nova vivían, a finais de 2008, 10.147 persoas, 205 menos do que no ano anterior^[1]. Desta poboación, 4.847 habitantes eran homes e 5.300 mulleres. 83 homes e 122 mulleres menos do que en 2007. En termos de grupos e idade, 873 persoas tiñan menos de 14 anos, 825 tiñan idades comprendidas entre os 15 e os 24 anos e 4.270 entre os 25e os 64 anos. Entre a poboación do concello con 65 ou máis anos contábanse 4.179 persoas, das que 1.565 (667 homes e 898 mulleres) tiñan entre 65 e 74 anos e 2.614 habitantes (1.091 homes e 1.523 mulleres) tiñan 75 anos ou máis.

De acordo coas informacións do Instituto Nacional de Estatística portugués, en 2007 o concello idanhense tiña unha densidade de poboación de 7,3 habitantes por quilómetro cadrado.^[2]

Poboación do concello de Idanha-a-Nova (1801 – 2008) ^[1]
1801	1849	1900	1930	1960	1981	1991	2000	2001	2002	2003	2004	2005	2006	2007	2008
3543	9844	23002	27998	30418	16101	13630	11586	11400	11253	11085	10929	10720	10561	10352	10147

As estes datos hai que engadir unha baixa taxa de natalidade na freguesía, que se acentuou a finais do século XX, feito que contribuíu de forma decisiva no crecente envellecemento da poboación da aldea. De acordo cos censos realizados en 2001, a Aldea de Santa Margarida tiña un índice de envellecemento do 40,82 %, unha taxa lixeiramente por riba da media do concello, que era, nese ano, do 40,76 %. No ano 2001 vivían nesta freguesía *beirá 149 persoas con máis de 65 anos de idade.

De acordo con datos do Instituto Nacional de Estatística (INE), no ano 2008 a taxa de natalidade do concello de Idanha-a-Nova era do 5,7 ‰, o que representa un significativo crecemento cara ao valor rexistrado no ano 2007, que era do 4,1 ‰, pero aínda por baixo do valor verificado no ano 2006, que rexistrou unha taxa do 6,3 ‰.

Taxa de natalidade (‰) no concello de Idanha-a-Nova (2000 – 2008)
2000	2001	2002	2003	2004	2005	2006	2007	2008
5,2	5,0	6,0	5,2	4,6	5,7	6,3	4,1	5,7

Todos estes datos contribuíron, ao lado dalgún éxodo urbano que aínda se rexistra hoxe no concello, quer para a cidade de Castelo Branco, quer para as rexións do litoral portugués, a un decrecemento sostido da poboación residente no municipio de Idanha-a-Nova. De tal modo que, segundo datos actualizados do INE en 2007, o concello idanhense rexistraba unha taxa de crecemento efectivo do -2,00 %, o decrecemento máis elevado desde o 2000.

Taxa de crecemento efectivo (%) no concello de Idanha-a-Nova (2000 – 2008)
2000	2001	2002	2003	2004	2005	2006	2007	2008
-1,85	-1,62	-1,30	-1,50	-1,42	-1,89	-1,49	-2,00	-2,00

Notas

↑ ^1,0 ^1,1 Instituto Nacional de Estatística (en portugués).
↑ Densidade populacional por local de residência no sítio do INE (en portugués).

Véxase tamén

Ligazóns externas

Cámara municipal de Idanha-a-Nova (en portugués).
Observación de aves no Texo Internacional (en portugués).

[Instituto_Nacional_de_Estatística-1] 1,0 ^1,1 Instituto Nacional de Estatística (en portugués).

[2] Densidade populacional por local de residência no sítio do INE (en portugués).

[1]

[2]