Juan Ignacio Zoido
Juan Ignacio Zoido Álvarez, nado en Montellano, Sevilla o 21 de xaneiro de 1957 é un político español do Partido Popular, alcalde de Sevilla entre 2011 e 2015, parlamentario andaluz e presidente do PP de Andalucía entre 2012 e 2014. Foi ministro do Interior entre 2016 e 2018.
Traxectoria profesional
[editar | editar a fonte]A súa traxectoria profesional comeza en 1983 como xuíz de Ascenso destinado no Xulgado de Distrito de Arrecife de Lanzarote (Las Palmas). Un ano despois, é promovido a xuíz de Ascenso e destinado ao xulgado de Primeira Instancia e Instrución de Utrera (Sevilla). En 1987 accede á condición de Maxistrado, iniciando a súa nova etapa profesional no Xulgado de Primeira Instancia e Instrución número Tres de La Laguna (Tenerife). Regresa a Andalucía en 1987, por concurso de traslado, destinado ao Xulgado de Primeira Instancia nº Sete (Familia) de Sevilla. Ao crearse en Sevilla os Xulgados do Penal, por Real Decreto do 17 de novembro de 1989, pasou a ocuparse do Xulgado nº Sete. O 23 de outubro de 1992 é nomeado Xuíz Decano dos Xulgados de Sevilla elixido na Xunta Xeral de Xuíces. Pasa a ser membro da Sala de Goberno do Tribunal Superior de Xustiza de Andalucía e, até 1996, director xeral de Relacións coa Administración de Xustiza.
Traxectoria política
[editar | editar a fonte]O 24 de maio de 1996, Juan Ignacio Zoido é nomeado Director Xeral de Relacións coa Administración de Xustiza con Margarita Mariscal de Gante como Ministra. En 2000 é nomeado Delegado do Goberno en Castela-A Mancha até o ano 2002, cando regresa a Andalucía como Delegado do Goberno. En 2004 pasa a ser Secretario Xeral do Partido Popular en Andalucía, cargo que ostenta até 2006, vocal de congreso do Comité Executivo Rexional, ademais de ser Vocal Electo do Comité Executivo Nacional. Tamén é portavoz do Partido Popular no concello de Sevilla, deputado autonómico, presidente da Comisión de Cultura do Parlamento de Andalucía e membro electo do Comité Executivo Nacional do Partido Popular.
O 22 de maio de 2011 gañou as eleccións á alcaldía de Sevilla con maioría absoluta, obtendo 20 concelleiros dos 33 que se ostentan no Concello, sendo investido o día 11 de xuño de 2011, cos votos dos concelleiros do seu partido.
Nas eleccións de 2015 o Partido Popular só obtén 12 concelleiros, perdendo a maioría absoluta. O candidato do PSOE Juan Espadas é investido alcalde cos apoios de Participa Sevilla e IU o 13 de xuño de 2015.
Outros cargos non profesionais
[editar | editar a fonte]Titor de Dereito Civil durante o Curso 1983-1984 no Centro Asociado de Lanzarote da Universidade Nacional de Educación a Distancia. Colaborador no Convenio de prácticas subscrito entre o Consello Xeral do Poder Xudicial e a Universidade de Sevilla. Anos 1988-1989 e 1989-1990. Colaborador no mestrado do Instituto Internacional de San Telmo de Sevilla. Membro do Consello Superior de Seguridade Vial. 1996-2000. Membro da Comisión Mixta do Consello Xeral do Poder Xudicial. Ministerio de Xustiza. 1996-2000.
Honras
[editar | editar a fonte]Posúa a Cruz da Orde de San Raimundo de Peñafort distinguida de 2ª Clase, concedida mentres era xuíz de Primeira Instancia e Instrución de Utrera (Sevilla).
Publicacións
[editar | editar a fonte]- Conferencia Universidade Pontificia de Salamanca. Escola Superior de Ciencias da Familia de Sevilla: "Como la Legislación afronta las distintas situaciones actuales de la pareja”. Marzo de 1993.
- Consello Xeral do Poder Xudicial. Cadernos de dereito xudicial. A nova delincuencia I: “Protección Penal de los Consumidores”. 1993.
- Consello Xeral do Poder Xudicial. Cadernos de dereito xudicial. A responsabilidade civil derivada do delito do dano, lucro, prexuízo e a valoración do dano corporal: “Valoración de la Vida e Integridad Física”. 1994.
| Predecesor: Carlos Moro |
 Delegado do Goberno de España en Castela-A Mancha 2000-2002 |
Sucesor: Encarnación Naharro |
| Predecesor: José Torres Hurtado |
Delegado do Goberno de España en Andalucía 2002-2004 |
Sucesor: José Antonio Viera Chacón |
| Predecesor: Antonio Sanz |
 Secretario xeral do PP de Andalucía 2004-2006 |
Sucesor: Antonio Sanz |
| Predecesor: Alicia Martínez |
Voceiro do Grupo Popular no Concello de Sevilla 2007-2011 |
Sucesor: Juan Bueno |
| Predecesor: Alfredo Sánchez Monteseirín |
 Alcalde de Sevilla 2011-2015 |
Sucesor: Juan Espadas |
| Predecesor: Pedro Castro Vázquez |
 Presidente da FEMP 2011-2012 |
Sucesor: Íñigo de la Serna |
| Predecesor: Javier Arenas |
Presidente do PP de Andalucía 2012-2014 |
Sucesor: Juan Manuel Moreno Bonilla |
| Predecesor: Jorge Fernández Díaz |
2016-2018 |
Sucesor: Fernando Grande-Marlaska |
Véxase tamén
[editar | editar a fonte] |
Wikimedia Commons ten máis contidos multimedia na categoría: Juan Ignacio Zoido  |
Ligazóns externas
[editar | editar a fonte]- Currículum na web de FEMP
- El «Efecto Zoido» en ABC de Sevilla
- Nados en 1957
- Nados en Montellano
- Políticos do PP
- Personalidades da política de Andalucía
- Alcaldes de Sevilla
- Ministros do Goberno de España da XII Lexislatura
- Xuíces de España
- Ministros do Interior de España
- Europarlamentarios de España (2019-2024)
- Deputados no Congreso dos Deputados (XI Lexislatura)
- Deputados no Congreso dos Deputados (XII Lexislatura)