Kokkola

Kokkola

Brasón
Localización
63°50′15″N 23°07′55″L
Estado	Finlandia
Axencia Rexional	Axencia administrativa da rexión finesa central e occidental
Rexión	Ostrobotnia Central
Capital de	Ostrobotnia Central
Poboación
Poboación	48.299 (2023) (33,4 hab./km²)
Lingua oficial	lingua finesa (majority language (en) ) lingua sueca (lingua minoritaria)
Xeografía
Situado na entidade territorial estatística	Subrexión de Kokkola
Parte de	Swedish-speaking Ostrobothnia (en)
Superficie	1.446,27 km²
Altitude	6 m
Comparte fronteira con	Halsua Kronoby Lestijärvi Larsmo Kaustinen Kalajoki Kannus Toholampi
Datos históricos
Precedido por	Lohtaja (pt) , Ullava (mul) , Kälviä (mul) e Kaarlela (mul)
Creación	1620
Organización política
Órgano lexislativo	Kokkola City Council (en) , (Escano: 51)
Identificador descritivo
Fuso horario	UTC+02:00, horario estándar UTC+03:00, horario de verán
Outro
Irmandado con	Concello de Härnösand Concello de Mörbylånga Marijampolė (pt) Ratingen Averøy (pt) Sudbury (pt) Järva-Jaani (pt) Kristiansund (pt) Hatvan (pt) Fitchburg (pt) Boldog (pt) Fredericia (pt) Fushun (pt) Ullånger (mul)
Sitio web	kokkola.fi

Kokkola (en finés) ou Karleby (en sueco) é unha cidade de Finlandia, capital da rexión de Ostrobotnia Central. Ten unha poboación de 46.779 habitantes segundo o censo de 2012.

Etimoloxía

O nome en finés Kokkola significa "lugar de fogata" ou "lugar da aguia", xa que a palabra finesa kokko significa á vez fogueira e aguia mariña (o sufixo -la indica localizaión). Ata o 1 de xaneiro de 1977 foi coñecida en sueco como Gamlakarleby, cando o concello de Kaarlela (en sueco Karleby) fusionouse con Kokkola, e a cidade adoptou o nome sueco de Karleby. A palabra gamla significa "vila", karl significa "home" ou "campesiño" e by significa "vila", polo que a tradución do antigo nome sueco sería "antiga vila de campesiños". O nome en latín era Carolina Vetus.

Historia

Igrexa de Kaarlela.

A cidade de Kokkola foi fundada en 1620 polo rei Gustavo II Adolfo de Suecia, cando Finlandia formaba parte do Imperio Sueco. Kokkola foi fundada como porto de embarque para o comercio de alcatrán. Tamén se converteu nun importante centro de construción naval.

En xuño de 1854 produciuse un importante acontecemento histórico coñecido como a "Escaramuza de Halkokari", durante a Guerra da Crimea. Os Royal Marines do HMS Vulture e HMS Odin trataron de chegar á terra para saquear a cidade, mais foron repelidos pola defensa local, moitos dos cales eran civís armados con rifles de caza. Un dos 9 barcos máis pequenos (un canoneiro) caeu nas mans dos defensores da cidade. Como tal, ese barco foi o único buque da royal Navy en posesión estranxeira en 1914. O barco pode verse actualmente no Parque Inglés de Kokkola. O concello rexeitou devolver o barco a pesar de varias solicitudes por parte do goberno do Reino Unido, a máis recente por parte de John Stuttard, o Lord Mayor de Londres. O Tesouro Británico paga anualmente unha pequena suma para o mantemento de nove tumbas dos nove Royal Marines mortos en combate durante a escaramuza á congregación local.

En 1977, o concello veciño de Kaarlela (en sueco Karleby) fusionouse co de Kokkola (coñecido en sueco ata o momento como Gamlakarleby). En 2009, os concellos de Lohtaja, Kälviä e Ullava fusionáronse tamén con Kokkola.

Véxase tamén

Outros artigos

• Lista de municipios de Finlandia nos que o finés non é a única lingua oficial

Ligazóns externas

• Páxina oficial (en finés) (en sueco) (en inglés)