Mars Observer
| Mars Observer | |
|---|---|
 Mars Observer sendo preparada para o lanzamento. | |
| Tipo | Científico |
| Organización | NASA |
| Destino actual | Perdida en órbita heliocéntrica.[1][2][3] |
| Data de lanzamento | 25 de setembro de 1992, 17:05 GMT[1][4][5] |
| Foguete portador | Commercial Titan III[1][3] |
| Sitio de lanzamento | Centro de lanzamento de Cabo Cañaveral[1][2] |
| Obxectivo da misión | Estudo de Marte.[1][2] |
| NSSDC ID | 1992-063A |
| Masa | 1018,0 kg[1] |
| Potencia | 1147,0 W[1] |
Mars Observer foi unha sonda espacial da NASA lanzada o 25 de setembro de 1992 mediante un foguete Commercial Titan III desde o centro espacial de Cabo Cañaveral para estudar Marte. Perdeuse contacto con ela tres días antes de chegar a Marte.[1][2][3]
Características
[editar | editar a fonte]Mars Observer foi a primeira nave da serie Observer, destinada a estudar a xeoloxía e clima de Marte. Os seus obxectivos principais eran determinar a mineraloxía da superficie, estudar a súa topografía, gravidade e campo magnético, os movementos do po marciano e a estrutura e circulación da atmosfera.[1][2][3]
A estrutura principal da nave e a electrónica derivaron dos das naves Satcom-K e DMSP/TIROS, e tiña forma rectangular, de 2,1 x 1,5 x 1,1 metros. A antena de alta ganancia era unha parabólica de 1,5 m de diámetro situada nun extremo dun mastro de 5,5 m de longo, e do corpo sobresaían outros dous mastros de 6 m de longo co magnetómetro e espectrómetro de raios gamma.[1][2][3]
Tras unha viaxe sen problemas, o contacto con Mars Observer perdeuse o 21 de agosto de 1993, tres días antes da chegada a Marte. Ningún dos esforzos por retomar contacto tivo éxito. A comisión de investigación formada para determinar a causa da perda de contacto concluíu que o máis probable foi que unha fuga de propelente durante a presurización dos tanques fixera xirar a nave de maneira descontrolada[1][2][3]
Notas
[editar | editar a fonte]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 NASA (1 de xullo de 2013). "Mars Observer" (en inglés). Consultado o 11 de agosto de 2013.
- ↑ 2,0 2,1 2,2 2,3 2,4 2,5 2,6 Mark Wade (2011). "Mars Observer" (en inglés). Arquivado dende o orixinal o 20 de xaneiro de 2011. Consultado o 11 de agosto de 2013.
- ↑ 3,0 3,1 3,2 3,3 3,4 3,5 Gunter Dirk Krebs (2013). Gunter's Space Page, ed. "Mars Observer (MO)" (en inglés). Consultado o 11 de agosto de 2013.
- ↑ N2YO (2011). Real Time Satellite Tracking, ed. "MARS OBSERVER" (en inglés). Consultado o 11 de agosto de 2013.
- ↑ Claude Lafleur (2010). "Mars Observer" (en inglés). Consultado o 11 de agosto de 2013.
Véxase tamén
[editar | editar a fonte] |
Wikimedia Commons ten máis contidos multimedia na categoría: Mars Observer |
