Michael Anderson

Michael Anderson

Biografía
Nacemento	(en) Michael Joseph Anderson 30 de xaneiro de 1920 Londres, Reino Unido
Morte	25 de abril de 2018 (98 anos) Vancouver, Canadá
Actividade
Ocupación	director de cinema, director de televisión, realizador
Período de actividade	1949 - 1999
Familia
Cónxuxe	Adrienne Ellis (1977–2018)
Fillos	Michael Anderson Jr.
Pai	Lawrence Anderson
Premios
National Board of Review Award ao mellor filme
Descrito pola fonte	Obálky knih,

Michael Joseph Anderson, nado en Londres (Inglaterra) o 30 de xaneiro de 1920 e finado en Vancouver (Canadá) o 25 de abril de 2018, foi un director de cine británico, coñecido por filmes como A volta ao mundo en oitenta días (polo que foi candidato ao Óscar) e Logan's Run.

Traxectoria

Anderson naceu nunha familia do mundo do teatro. Os seus pais foron Lawrence e Beatrice Anderson e a súa tía avoa (Mary Anderson) foi a primeira actriz que tivo un teatro co seu nome en Louisville, Kentucky.

Logo de servir na segunda guerra mundial, comezou no cinema británico, debutando en 1949 con Private Angelo. A este, seguiron filmes como Waterfront Women (1950), o filme bélico The Dam Busters (1954) e a adaptación ao cinema da novela de George Orwell Nineteen Eighty-Four.

A fama chegoulle sobre todo por A volta ao mundo en oitenta días, adaptación da novela homónima de Jules Verne, que foi un éxito de público e que lle valeu unha candidatura ao Óscar á mellor dirección. Tralo éxito do filme, instalouse en Hollywood, mais as súas obras posteriores non chegaron ao éxito desta. Entre estas destacaron As sandalias do pescador (1968) Doc Savage: The Man of Bronze (1975), Logan's Run (1976) ou Orca (1978).

Posteriormente, participou na realización de miniseries como The Martian Chronicles ou Sword of Gideon.

Vida privada

Anderson casou en tres ocasións:

• con Betty Jordan (1923–2008) en 1939; cinco fillos, entre eles o actor Michael Anderson Jr., que apareceu en Logan's Run e The Martian Chronicles.
• con Vera Carlisle (1935–) en 1969; un fillo.
• con Adrienne Ellis (1944–); dous enteados, a actriz Laurie Holden (The X-Files, The Mist, The Walking Dead) e Christopher Holden.

Anderson faleceu o 25 de abril de 2018 aos 98 anos de causas naturais.

Filmografía

• Private Angelo (1949)
• Waterfront Women (1950)
• Hell Is Sold Out (1951)
• Night Was Our Friend (1951)
• Will Any Gentleman...? (1953)
• The House of the Arrow (1953)
• The Dam Busters (1955)
• 1984 (1956)
• A volta ao mundo en oitenta días (1956)
• Yangtse Incident: The Story of H.M.S. Amethyst (1957)
• Chase a Crooked Shadow (1958)
• Shake Hands with the Devil (1959)
• The Wreck of the Mary Deare (1959)
• All the Fine Young Cannibals (1960)
• The Naked Edge (1961)
• Patrulla de rescate (1964)
• Salvaxe e maravilloso (1964)
• Operation Crossbow (1965)
• The Quiller Memorandum (1966)
• As sandalias do pescador (1968)
• Pope Joan (1972)
• Doc Savage: The Man of Bronze (1975)
• Conduct Unbecoming (1975)
• Logan's Run (1976)
• Orca (1977)
• Nessie (1977)
• Dominique (1978)
• The Martian Chronicles (1980) (TV)
• Murder by Phone (1982)
• Second Time Lucky (1984)
• Separate Vacations (1986)
• Sword of Gideon (1986) (TV)
• The Jeweller's Shop (1989)
• Millennium (1989)
• Young Catherine (1991) (TV)
• The Sea Wolf (1993) (TV)
• Rugged Gold (1994) (TV)
• Captains Courageous (1996) (TV)
• 20,000 Leagues Under the Sea (1997) (TV)
• Summer of the Monkeys (1998)
• The New Adventures of Pinocchio (1999)

Véxase tamén

Ligazóns externas

• Michael Anderson biography at BFI Screenonline
• Obituario en Variety
• Obituario en The Telegraph
• Obituario en Los Angeles Times